ድንግል ማርያም ቤዛ ስትባል በሞቷ አዳነችን ደሟን አፍስሳ ነጻ አወጣችን ማለታችን አይደለም።  የድንግል ማርያም ቤዛ መባል የሔዋን ምትክ የሔዋን ለውጥ ማለት ነው። ሔዋን የመርገም ድምጽ ሰምታ የሞት መጀመሪያ ቃኤልን ወለደች።ድንግል ማርያም ግን የመልአኩ የቅዱስ ገብርኤልን የብስራት ድምጽ ሰምታ  የሕይወት መገኛ ክርስቶስን ወልዳለችና የሔዋን ለውጥ የሔዋን ምትክ  ቤዛ ትባላለች። ቤዛ ኩሉ  የምትባልበትም ሔዋን የሁሉ እናት  እንደሆነች  ድንግል ማርያምም እንድ ቅዱስ ዮሐንስ በመስቀሉ ሥር ለተገኙ   ሁሉ እናት ናትና ቤዛ ኩሉ የምትባለው ለዚህ ነው።   ሔዋን በዓለሙ ውድቀት ውስጥ  ቀድማ እንደተገኘች ድንግል ማርያምም በዓለሙ ድኅነት ውስጥ ቀድማ የተገኘች ናትና በሔዋን ለውጥ ቤዛ ኩሉ ትባላላች።