ተያይታቹ የማታውቁ ከሆነ በሶሻል ሚዲያ ተገናኝታቹ ነው የሚሆነው እና....የሆነ ፅሁፍ ላጋራሽ. ከሁሉ በፊት አንድ ነገር ላይ እንግባባ፡፡ በሶሻል ሚዲያ ፍቅር አይዝም፡፡ በሶሻል ሚዲያ የሚከሰተው የገጽታና የሁኔታ መሳሳብ (Outward Attraction) እና የስሜት ትስስር (Emotional Attachment) ነው፡፡ አነጋገሩ፣ የለጠፈችው ፎቶ፣ ያወራው የግል ታሪክና የመሳሰሉት ነገሮች ይስቡንና ፍቅር መሳይ ስሜቶችን ይሰጡናል፤ ይህ ደግሞ ፍቅር አይደለም፡፡ በሶሻል ሚዲያ የተዋወቅነውንና “ፍቅር” የያዘንን ሰው ለመገናኘት ተስፋ አድርገን ከተወሰነ ጊዜ በኋላ ብናገኘው፡- • ምናልባት የለጠፈው ፎቶና በአካል ሲታይ የሚያጋጥመን ምንም የማይገናኝ እንሆንና እንደነግጥ ይሆናል፡፡ • ምናልባት ልክ ፎቶውን መስሎ አግኝተነው በጽሁፍ የተደበቀውና የተለሳለሰው ሃሳቡን የመግለጽ ሁኔታው በንግግር ሌላ ሆኖና አስፈሪ ሆኖ ልናገኘው እንችላለን፡፡ • ምናልባት እስካሁን በአካል ስላልተገናኘን ነው እንጂ ፍላጎቱ እኛ ከምናስበውና ከመርሃችን የራቀ ሊሆን ይችላል፡፡ • ምናልባት በገሃዱ አለምና በአካል እስክናገኘውና እስክናጠናው ድረስ የማናውቃቸው ልማዶች ይኖሩት ይሆናል፡፡ • ምናልባት ፍቅረኛና ደራርቦ በመያዝና ተጠቅሞ ዘወር በማለት የታወቀ ሰው ይሆናል፡፡ • ምናልባት ይህንን ሁሉ እያየን አንዴ የስሜት ትስስሩ ስለተፈጠረ ግንኙነቱን የማቋረጥ አቅሙ አይኖረንም ይሆናል፡፡ • ምናልባት እሱ ራሱ ሲገኘን ባልጠበቀው ሁኔታችን ደንግጦ ልባችንን ሰብሮት ሊሄድ ይችላል፡፡ • ምናልባት ልክ የምንመኘውን አይነት ሰው እናገኝ ይሆናል፡፡ ከእነዚህ ሁሉ ቁማሮች የትኛውን የመብላት እድል እንዳለህ አስብበት፡፡ እንደ እኔ እንደ እኔ ቁማሩን ከመብላት ይልቅ የመበላት እድሌ ስለሚሰፋ ይህንን ቁማር መጫወት አልፈልግም፡፡