This is my idea..... #የአረም ክምሮች የኔው ጉድ እያለ ያንቺን ቤት ነው ማየው አንቺም የለሽበት ቀልብሽ እሱ ጋር ነው እሱም አካሉ እንጂ ሀሳቡ ሌላ ቤት የትም ላያደርሰን እንደው ከንቱ ልፋት የኔ ግንብ ሲፈርስ የሱን ጣራ መክሰስ እኔው ለቸገረኝ የሱን ስራ መውቀስ ከፍቶኝ ሳለቅስ ደሞ የነሱን ሳቅ መጥላት ማሳዬ ሲውድም የትዬን ከብት ማጥፋት ደግነት ሲያሳይ መተርጎም በክፋት ተግባሩን ጠቅልሎ መፈረጅ ከጥፋት ችግሬን ከሰው ጋር አያይዞ ማጉላት ሲቀስሩ ጣትን ያለምንም ሀፍረት የነገሌ ቤት ውስጥ ቢፈጠር ሀዘን በገዛ ስራቸው ያመጡት ነው ብለን ማጽጽናናቱን ትተን እንገባለን ማማት ማጣቱ እያለ ሌላ የራስ ምታት የኛ ሰው ሲሞት ግን ነገሩ ይለያል ታላቅ ጀብዱ ሰሪ የሀገር ባለሟል መጥታቹ ቅበሩ ይኸው ዛሬ አልፏል እማማ ሀገሬ ጉድ ፈላብሽ ምነው እንዴትስ ትሆኚ አትሽው ይሄን ሰው ያገሬ ሰው ጽና አሁን ነው ፈተናው ላንዱ ያነባ አይን ሲደርቅ ለሌላው ለሱ ያዘነ አንጀት ለሷ ሚጨክነው ለነዛ መርቆ እነሱን ሚረግመው ከፊሉን ቀድሶ ቀሪውን ሚያረክሰው እኔስ ግራ ገባኝ ምንድን አግኝቶት ነው አንግዲህ ይታይሽ አንቺ የኔ አናት የተወለድኩብሽ ከምድርሽ እምብርት ሀዘንሽ ምነ ከፋ ሲፋጩ ከላይሽ አሳድገሽ ከንቱ ያሁሉ ልፋትሽ ከመሬት ሲላወስ እንደው ምን ተሰማሽ አኔኮ ሚገርመኝ እኛ ሚሉት ነገር የኛ ህዝብ ተጎድቷል መብታችን ይከበር እስካሁኗ ሰዓት ብዙ ተጨቁነን ሲዘንብብን በደል እንደምንም ችለን ለዛሬ በቅተናል አምላክ ሆይ ተመስገን ደም እንመልሳለን ደርሷል ተራችን ይቅርታ ምንድነው ለሞተው ሬሳችን ብለው ይነሱና ድጋሚ ዘመቻ ማለቂያ የሌለው ማይቆም በመባቻ ይሄ ሁላ እያለ ምኑን ሰላም ሆነሽው ላንቺ እኔ አዘንኩ በምን አንጀት ቻልሽው እቴ በምን እዳሽ በምን አቅም ቆምሽው አስታማሚ ጠፍቶ ብቻሽን ታመምሽው እኛነት ጠፍቶብን እኔነት ነግሶብን በዋል ፈሰስ ስንኖር ትርጉም እያዛባን በራሳችን አለም ስንጣላ ከርመን የገዛ ሀገሩን ያንተ አይደለም እያልን አያርገውና እንደው ቢነሳ ጦርነት ማን ሄዶ ሊመክት ጠላትን በህብረት ማንስ ሊዘምትልሽ ቆሞ ከጠላት ፊት እኔ ሲመስለኝ ግን ማን ይሂድ በሚለው ውስጥሽ ይታመሳል ምን ተሻለን እንደው ልክ እንዳለፈው እንደ ወርቃማው ክስተት ልባችን ላይ እንዳለው የዓድዋ ጦርነት ማን ተቆርጦ ሊጣል ከጀግንነት ሜዳ ለብቻ ነጣጥሎ ዘር በሚሉት ባዳ አይናችን ይከፈት እንንቃ እንጂ ወገን እኛ እሚለው ቃል እኛን ካልገለጸን ችግሩ ከቃሉ አሊያም አኛው ነን መፍታት ቢያቅተን እንቅፋት አንሁን የገዛ አካሉን ሚመታ እንደሌለው ያንዱ መጎዳት የሌላው ህመም ነው በሽታው ወረርሺኝ ተዛማች በፍጥነት ካልነኩት አይነካ ጨዋ ነው በእውነት አደጋውን አይተው አሉት ዘረኝነት ከያዘ አይጣል ነው ያደርሳል እስከ ሞት በራስ ወዳድነት ሚጀምረው ልክፍት ስምን እየለየ መውደድና መጥላት መሰረት አድርገው የብሄርን አይነት ቋንቋን እየለዩ ያደርሳሉ ውድመት እልፍ አዋቂ መጥቶ ላይቀየር ነገር ፈለግን አልፈለግን የዘራችን መስመር ብናጠፋ ህይወት ተስማርተን በመስክ ፍትህ ላይሟላ ቆጥረን በሞተው ልክ አዲስ ቂም ልንፈጥር ያለውም አልበቃን መቼ ይሆን ታዲያ ልቦና ሚኖርን እሱስ ምን ይለናል ታላቁን እንፍራ! ከአንድነት ወጪ የለም መታፈሪያ ሚያዘልቀው ህብረት ሁሌም ልብ እንበል ከዛ ውጪ ያለው ንጦ እንደ ማዕበል በየዳሩ ድንበር ያሽቀነጥረናል ያኔ ለመመለስ ዘመን ያልፍብናል የጥንቸሏ ታሪክ በኛ ይደገማል By: Hypocrite_writer