Ok thank you

✅መፅሐፉ ስለስጋዊ ፍቅረኛሞች አይናገርም። ፩ መፅሐፉን የሚጋሩን አይሁዳውያን ለራሱ የተረዱት እና የሚተርጉሙት እንደዚህ ነው በመንፈስ ቅዱስ የተነገረ እንዲሁም እግዚአብሔር እኛን የሚያወድስበት እኛም እግዚአብሔርን የምናወድስበት(በነፍስ እና በእግዚአብሔር መካከል ያለውን አንድነት) የሚያሳይ ነው ብለው ነው የሚረዱት።[፪] ፪ጥንታውያን ክርስቲያን ሊቃውንት አባቶቻችን መፅሐፉን በስጋዊ መንገድ አልረጎሙትም(አልተረዱትም) ለምሳሌ ሊቁ ኦሪገን፣ቅዱስ ጀሮም፣ቅዱስ ቄርሎስ ዘእስክንድርያ፣ቅዱስ ጎርጎርዮስ ዘኑሲስ፣ሊቁ አውግስጢኖስ... እና ሌሎችም ሊቃውንተ ቤተክርስቲያን ይህ መፅሐፍ ስለ ክርስቶስ እና ስለቤተክርስቲያን እንዲሁም በክርስቲያን ነፍስ እና በክርስቶስ መካከል ስላለው ግንኙነት[፫] ያስረዳል ብለው ነው የተረጎሙት። አባቶችም ይህን መፅሐፍ የምስጢራት መፅሐፍ፣የአዋቂ መፅሐፍ፣የሰማያዊ ሰርግ መፅሐፍ...እያሉ ይጠሩታል ስለዚህ ክርስቲያን ነን እና ማንን እንከተል? ✅መፅሐፉ እኮ ስለስጋዊ ሙሽራዎች(ፍቅረኛሞች) ነው የሚናገረው? ፩ መፅሐፉ ራሱ እንደዚህ ዓይነት አረዳድ እንዳንረዳ በሩን ይዘጋብናል። #ለምሳሌ መሐ፩፡፫ ላይ እንዲህ ይላል "ዘይትህ መልካም መዓዛ አለው ስምህ እንደሚፈስ ዘይት ነው ስለዚህ ደናግል ወደዱህ" እዚህጋ ሙሽራይቱ ስለሙሽራዋ ማንነት ስለስሙ ውበት ገልፃለች ከዚያም ደናግል እንደወደዱት ገልፃለች እንዴት ብሎ ነው ሌሎች ደናግሎች ሙሽራዋን በወደዱት ጊዜ የምትደሰተው? ስለዚህ ይህ ቃል ስለ ስጋዊ ሙሽራዎች እንዳልተነገረ እናረጋግጣለን።[፬] ፪ በሰው እና በእግዚአብሔር መካከል ያለውን አንድነት ግኑኝነት ለመግለፅ እንደ መሐልይ መፅሐፍ ዓይነት የጋብቻ ምሳሌዎች በሌሎች የመፅሐፍ ቅዱስ ክፍሎች ስለተገለጡ(ኤር ፪፡፪ ሕዝ ፲፮፡፩-፲፬ ሆሴ፪፡፬) [፭] እነዚህ ቃላት በዘመነ ብሉይ በነበሩት በእስራኤል ዘስጋ እና በእግዚአብሔር መካከል ያለውን አንድነት እና ቃልኪዳን በባል እና በሚስት መስለው የሚናገሩ ሲሆን የመሐልይን መፅሐፍ ምሳሌዎችን በዚሁ መረዳት እንችላለን። ✅መፅሐፉን በስጋ ዓይን ለሚያነቡ ሰዎች ምክር ሊቁ ኦሪገን እንዳለው "ለስጋዊ ሰዎች ይህ መፅሐፍ አደገኛ ነው...በስጋዊ ጨለማ ያሉት ይህን መፅሐፍ አያንብቡ" [፮] እኔም እላለሁ "ፊደል ይገድላል መንፈስ ግን ህይወትን ይሰጣል" እንዳለ ብርሃነ ዓለም ጳውሎስ (፪ቆሮ ፫፡፮) መፅሐፉን ቅዱስ ጎርጎርዮስ ዘኑሲስ እንዳለው በመንፈሳዊ ዓይን እና አስተሳሰብ አንብቡት ብለን እንመክራለን። ✅ማጠቃለያ ብርሃነ ዓለም ጳውሎስ በኤፌ ፭፡፴፪ ላይ የዘፍ ፪፡፳፬ን ለአዳም እና ለሔዋን የተነገረውን ቃል ለቤተክርስቲያን እና ለሙሽራዋ ክርስቶስ እንደሚተረጎም ነግሮናል። ስለዚህ እኛም የሐዋርዬትን ፈለግ ተከትለው የተነሱ አባቶች ያውም መፅሐፉ ስለስጋዊ ነገር የማይነናገረውን ስለቤተክርስቲያን እና ስለ ሙሽራዋ ክርስቶስ ኢየሱስ ነው ብለው ሲናገሩ ፣ሲያስተምሩ እና ሲተረጉሙ ይህን ክርስቲያናዊ አተረጓጎም ከማን ወስደውት ነው ከአባታቸው ከብርሃነ ዓለም ጳውሎስ አይደለምን? እኛ ነው ብለን እንመልሳለን። ✅ማጣቀሻወች ፩ F.r tadros y.malaty, song of songs page 5 ፪ F.r tadros y.malaty, song of songs page 5 & 7 ፫ ቅዱስ ጎርጎርዮስ ዘኑሱስ የመሐልይን መፅሐፍ የተረጎመው በክርስቶስ ኢየሱስ እና በክርስቲያን ነፍስ መካከል በአለው ግንኙነት ነው። ፬ F.r tadros y. malaty, song of song page 7 ፭ F.r tadros y. malaty, song of songs page 12 ፮ F r tadros y. malaty, song of songs, page 11 ወስብሐት ለእግዚአብሔር ጌታ እግዚአብሔር መንፈሳዊ ዓይን ይስጠን አሜን ይቀጥላል... @APOSTOLICsuccession