#Mekelle ተቋርጦ የነበረው የስልክ አገልግሎት ጀምሯል። በመቐለ እና አዲሽሁ ከተማ መካከል የሚገኝ ፋይበር በመቆረጡ ምክንያት በትግራይ ክልል የስልክ አገልግሎት ተቋርጦ እንደነበር የኢትዮ ቴሌኮም ዋና ሥራ አስፈጸዓሚ ወ/ሪት ፍሬሕይወት ታምሩ ተናግረዋል። የስልክ አገልግሎት የተቋረጠው ከትናንትና ማምሻ ጀምሮ ነበር። በመቐለ እንዲሁም ሌሎች አቅራብያ አካባቢዎች ያሉ ቡድኖች ገብተው ጥገና አድርገው አገልግሎቱ ጀምሯል። እንደ ወ/ሪት ፍሬህይወት ገለፃ ፥ ኢትዮ ቴሌኮም በአጣዳፊ ግዜ አገልግሎት እንዲሰጥ በሚያስችለው መሳሪያ ታግዞ ነው አገልግሎቱን መጀመር የቻለው። ሙሉ ለሙሉ በአካባቢው መጨናነቅ እንዳይፈጠር የፋይበር ጥገናው እየተከወነ መሆኑን ዋና ስራ አስፈፃሚዋ አክለው ገልፀዋል። ፋይበሩ የተቆረጠው በተፈጥሮ ምክንያት አልያም ሆን ተብሎ በሰው መሆኑን ገና አለመታወቁን ወ/ሪት ፍሬህይወት ተናግረዋል። መረጃው የኢትዮ ቴሌኮም ዋና ስራ አስፈፃሚ ወ/ሪት ፍሬህይወት ታምሩ ለBBC አማርኛው ክፍል እና ለሸገር ኤፍ ኤም 102.1 ሬድዮ ጣቢያ ከሰጡት የተቀናጀ ነው። @tikvahethiopia @tikvahethiopiaBOT