እሱ ይኽን ያለበት ምክንያት አንድ ወንድ ከአንዲት ሴት ጋር በጥልቅ የፍቅር ትስስር ውስጥ ካልገባ፣ ቅናት፣ ስጋት፣ ቁስል እና የልብ ስብራት ስለማይኖር በቃ እንዲሁ በደስታ እና በነፃነት መኖር ይችላል ሲል ነው። ነገር ግን "can be happy" የሚለውን ብንመዝነው ስሕተት ነው። ምክንቱያም ያለ ፍቅር የሚደረግ ማንኛውም ግንኙነትም ኾነ መልካም ነገር ባዶ እና ከንቱ ነገር በመኾኑ፣ በመላዕክት ልሳን ብናገር ፍቅር ከሌለኝ ከንቱ ነኝ እንዳለው ጳውሎስ ማለት ነው። ፍቅር የሌለበት ግንኙነት ውስጥ “ደስታ” ሊኖር አይችልም፤ ቢኖር እንኳ ጊዜያዊና ሥጋዊ ምቾት እንጂ መንፈሳዊና እውነተኛ ደስታ አይደለም !! አንድ ወንድ ሊደሰት የሚችለው የሚወዳትን ሴት ሲያገባ እና እሷንም እንደ ራሱ አካል አድርጎ በፍጹም ልቡ ሲወዳት ብቻ ነው።