ክብርን ጠብቆ ኖሮ በክብር ማግባት ዋጋው ከፍ ያለ ሕይወት ቢኾንም ግን ከአንዳንድ በድንግልና ከተጀመረ ትዳር ያለድንግልና የተጀመረ ትዳር ዘላቂነት ሲኖረው አይቻለኹ። ድንግልና ኖሯት ጸባይ ባይኖራት ወይም መልክ ባይኖራት አብረኻት ትቀጥል ነበር? ሰው ሁሉ ሕጸጽ የሌለበት ሙሉ ፍጡር አይደለም። የትኛውን ሕጸጽ መሙላት እችላለኹ? የትኛውን መቀበል እችላለኹ የሚለው ግን የኛ ምርጫ ነው። ያላትን እና ያጣችውን ነገር ለማመዛዘን ሞክር! በጸባዩዋ መልካምነት ውስት ታማኝነት አለ? ድንግል መኾኗን የፈለከው ታማኝ እንድትኾንልኽ አይደል?! ያንን ደግሞ በጸባዩዋ ውስጥ ታገኘዋለኽ። ሌላው ደግሞ ግንኙነት የጀመራችኹት የትምህርት እድል እንደደረሰኽ ካወቀች በኋላ ነው? እንደዚያ ከኾነ ምንኽን ፈልጋ እንደቀረበችም እርግጠኛ ኹን። ፍቅርኽን? ወይስ ስኬትኽን? ለማንኛውም ልብኽ የሚልኽን አዳምጠው!