ሆሳዕና የትንሳኤ በዓል ከመድረሱ ከአንድ ሳምንት በፊት እሁድ ቀን የሚከበር ታላቅ የክርስቲያን በዓል ነው። በዓሉ በተለይ በኢትዮጵያ ኦርቶዶክስ ተዋህዶ ቤተክርስቲያን እጅግ ደማቅ በሆነ ሥነ-ሥርዓት ይከበራል። የቃሉ ትርጉም "ሆሳዕና" የሚለው ከዕብራይስጥ የመጣ ሲሆን፣ ትርጉሙም "አሁን አድን" ወይም "እባክህ አድን" ማለት ነው። ሕዝቡ ኢየሱስ ክርስቶስ ወደ ኢየሩሳሌም ሲገባ ይህንን ቃል እየጮኹ የተቀበሉት ለድኅነት የመጣ መሲሕ መሆኑን በማመናቸው ነው። ለምን ይከበራል ? በዓሉየሚከበረው ጌታችን መድኃኒታችን ኢየሱስ ክርስቶስ በአህያ ውርንጭላ ላይ ሆኖ በታላቅ ክብርና ትሕትና ወደ ኢየሩሳሌም የገባበትን ዕለት ለማሰብ ነው። ይህ ክስተት በአራቱም ወንጌላት ላይ ተመዝግቧል (ማቴ. 21፥1-11)። ትንቢቱን ለመፈጸም :- ነቢዩ ዘካርያስ "አንቺ የጽዮን ልጅ ሆይ፥ እጅግ ደስ ይበልሽ፤