እንግዲህ እኛ ተዋህዶ እንዳስተማረችን የተወደደች እናታችንን እንዲህ እያልን ከቃሉ ሳንወጣ በፀሎታችን እንጠራታለን እንዲህም እንላለን :- እመቤታችን ንፅህት ቅድስት ድንግል (ማቴ1:23) ማርያም ሆይ (2ቆሮ11:2) በመልአኩ በቅድስ ገብሬል ሰላምታ ሰላም እንልሻለን (ሉቃ1:28) በሀሳብሽ ድንግል ነሽ (2ቆሮ 11:2) በስጋሽም ድንግል ነሽ (ማቴ1:23፣ህዝ 44:2) ያሸናፊ የልዑል እግዚአብሔር እናት ሆይ (ሉቃ 1:35) ሰላምታ ላንች ይገባሻል ከሴቶች ሁሉ ተለይተሽ የተባረክሽ ነሽ (ሉቃ 1:28፣ሉቃ 1 :32) የማህፀንሽ ፍሬ የተባረከ ነው (ሉቃ 1:32) ፀጋን የተመላሽ ቅድስት ሆይ ደስ ይበልሽ ልኡል እግዚአብሔር ካንች ጋር ነውና (ሉቃ 1:28-30) ከተወደደው ከልጅሽ ከጌታችን ከመድኃኒታችን ከኢየሱስ ክርስቶስ ዘንድ ይቅርታና ምህረትን ለምኝልን (1ቆሮ 5:20 በፅድቅ ስራ የኖሩት ይለምኑ ዘንድ ተሰጥቷቸዋልና) ሃጢአታችንም ያስተሰርይ ዘንድ ለዘላለሙ አሜን። እኛም ይህን ከመፀለይ ቸል ብለን የእናታችንን ውለታ አንረሳም፡፡