የአዲስ አበባ ከተማ የቤቶች ልማትና አስተዳደር ቢሮ፣ የአከራይና ተከራይ ሕጋዊ ውል ምዝገባ ሰኔ 1 እንደሚጀምር ማስታወቁን የመንግሥት ዜና ምንጮች ዘግበዋል። ቢሮው፣ በከተማዋ የሚገኙ የግል ቤት አከራዮች ከተከራዮቻቸው ጋር ሕጋዊ ሰነዶቻቸውን በመያዝ መመዝገብ እንደሚችሉ መግለጡን ዘገባዎቹ አመልክተዋል። የከተማ አስተዳደሩ ይህንኑ ምዝገባ የሚያደርገው፣ የመኖሪያ ቤት ኪራይ ቁጥጥርና አስተዳደር አዋጅን ተግባራዊ ለማድረግ ነው። የመኖሪያ ቤት አከራዮች በዘፈቀድ ኪራይ እንደይጨምሩና ተከራዮችን በግዳጅ እንዳያስወጡ የሚያግደው አዋጅ፣ አከራዮች ኪራይ መጨመር የሚችሉት የመንግሥት ተቆጣጣሪ አካል በዓመት አንድ ጊዜ የሚያወጣውን ስሌት መሠረት በማድረግ ብቻ እንደኾነ ይደነግጋል። @Addis_Reporter