ሶሻል በመሆንህ እንደውም የተሻለ ዕድል አለህ። እንዲህ አድርግ.. ትምህርቱን ከፋፍለው። ቀላል መካከለኛ ከባድ አድርገህ ትከፋፍለዋለህ። ስታነበው ጊዜ የማይወስድብህን፣ ለመረዳት ቀላል የሆነውን "ቀላል" ውስጥ ትመድበዋለህ። ከፍ ሲል "መካከለኛ" ውስጥ ትመድበዋለህ። ስታነበው የሚከብድህንና ለመረዳት ጊዜ የሚወስድብህን "ከባድ" ላይ ትመድበዋለህ። ቀጥሎ ቀላሉን ከከባዱ ጋር እያጣመርክ ማንበብ ነው። ሌላኛው ስራ የሚሆነው.. ካልተሳሳትኩ 6 መሰለኝ የምትፈተኑት። English History Geography Economics Maths SAT Leave English and SAT behind since you don't read them page by page. ከዚያ 4 ትምህርት አለብህ ማለት ነው። የአራቱንም ገጾች ቁጠር። እንበልና 1500 ገጾች ቢመጡብህ ከመስከረም ጀምሮ እስከ መጋቢት ባለው ጊዜ ውስጥ 7×30= 210 ቀናት አሉህ። ከነዚህ ውስጥ ለእረፍትና በዓላት 10 ቀናት ቀንሰህ ብታነብ 200 ቀናት ይኖሩሃል። 1500ገጾች ÷ 200ቀናት = 7.5ገጾች ስለዚህ በየቀኑ ከ 8 - 10 ገጽ ብታነብ፤ ሚያዝያ የእረፍትና የፈተና ወቅት ቢሆንብህ ሳትጨናነቅ 'እግርህን ሰቅለህ' ማንበብና ፈተናውን ሰርተህ ማለፍ ትችላለህ። ዋናው ነገር መረጋጋት፣ አለመፍራት፣ አለመጨናነቅ እና ራስን አለመጨቆን ነው። የሆነ ያህል ታነባለህ። ጥያቄ ትሰራለህ። የሳትከው/የረሳኀው ነገር ሲኖር ደግመህ ትከልሰዋለህ... መደጋገም... ከእንቅልፍ ሰዓቴ 12 ደቂቃ ወሰድክብኝ። ግን ይህ ጽሑፍ ጠቅሞህ ፈተናውን ካለፍክ ሙሉ የእንቅልፍ ሰዓቴን ብሰጥህም አይቆጨኝም። በርታ!