የሚወዱትን በሞት መለየት ከባድ ነው።💔 አብሽር ሐቢቢ። ሁላችንም ስንፈጠር እንዲሁ ልንሆን ነው። የምናሳልፋቸው የህይወት ውጣ ውረዶች የቱን ያህል ቢያምሩ ወይም ቢያስከፉን ጊዜያዊ ናቸው። ጥለነው እንሄዳለን። መጨረሻ የሚቀረው ትውስታቸው ብቻ ሆኖ ይቀራል። ከዚያ እኛም ከነትውስታው አብረን እንሄዳለን። ያለፉ ደስታና ሀዘኖች፣ ድሎትና ችግሮች ማንም ላያስባቸው ከኛው ጋር ይወርዳሉ። ለሌላ ትውልድና ለሌላ ደስታና ሀዘን፣ ለሌላ ድሎትና ችግር ቦታ መልቀቃችን የዚህች አለም ኡደት ነው። አብሽር ወዳጅ አለም። ምንም ቢሰማህ፣ ልብህን ሰብሮ ከቤትህ ቢያስቀምጥህ፣ ከደስታህ አርቆ በሀዘን ቢያስለቅስህ፣ ከተስፋህ አርቆ ህልምህን ቢሰልበው፣ ለመጠንከር መሞከር ብቸኛው ምርጫህ ይሁን። ሀዘኑን መርሳት አትችልም፤ ግን እንዲሰብርህ አታድርገው። እውነት ልንገርህ.. ሀዘን ጠንካራ ወንድን ይሰብራል። ልባም ሴትን ያኮሰምናል። ጊዜው ባንተ ላይ እንዲሄድ ፍቀድለት። ከዚያ በኋላ ህመሙ ከነጠባሳው ይኖራል። አንተ ግን ህመሙን ከነጠባሳው መኖርን ትቀጥላለህ። አብሽር!