እኔ እሆንን አላውቅህም ብዬ በሰው ፊት የምክድህ ለጠላት አንስቼ አሳልፌ የምሰጥህ እኔ እሆንን ጌታ ሆይ እኔ እሆንን እኔ እሆንን አምላክ ሆይ እኔ እሆንን ይሁዳ ነኝ ወይስ ጴጥሮስ ሀሙስ ማታ እኔ ማነኝ የዛሬን መቆሜን እንጂ አላውቅም መጨረሻዬን እወድሀለው ብዬ የዛሬን እናገራለሁ አላውቅህም እንዳልልህ ስለነገ ግን እፈራለሁ ስንት የአጥቢያ ኮከቦች ላንተ ዘሞረውልህ ወደቁ በሰማይ መቅደስህ አጥነው በትዕቢት ረግፈው አለቁ እፈራለሁ እኔም ለራሴ መንገዴን ንገረኝ ጌታ ጠዋት በዘመርኩበት አፍ እንዳልሳደብ በማታ ሳጥናኤል መልዐክ ነበረ ይሁዳም ሐዋርያ ንስጥሮስም ጳጳስ ነበር አርዮስም ባለሙያ እነዚህ ሁሉ ከወጡ ከአምላካቸው ጉያ ደካማ ለሆንኩትማ የት ይሆን የኔ መገኛ ታናሹን ጅማሪዬን አንተው ታላቅም አድርግልኝ ነበረች ከመባል ፈተና አንተው በፍቅርህ አድነኝ ያስጀመርከኝ አምላኬ ሆይ እንግዲህ መንገዴን አደራ በፊትህ ቆሜ ለማመስገን አብቃኝ ከቅዱሳን ጋራ https://t.me/Merkoryos25