"እምነት ያለስራ ስራም ያለ እምነት ከንቱ ነው" (ያዕቆብ 2÷19-24) ክርስትና አንድ ጊዜ ቸርች መድረክ ላይ ወጥተህ የተወሰኑ ዓረፍተነገሮችን ካልክ በሗላ እንደ አለማዊ ተመሳስለህ መኖር መቀጠል አይደለም። ክርስትያን መሆን ማለት አዲስ ፍጥረት መሆን ማለት ነው። እለት በዕለት ክርስቶስን ወደመምሰል የምታድግበት ሂደት ነው። ፊል 2:12 " ስለዚህ፥ ወዳጆቼ ሆይ፥ ሁልጊዜ እንደ ታዘዛችሁ፥ በእናንተ ዘንድ በመኖሬ ብቻ ሳይሆን ይልቁን አሁን ስርቅ፥ በፍርሃትና በመንቀጥቀጥ የራሳችሁን መዳን ፈጽሙ፤ 13 ስለ በጎ ፈቃዱ መፈለግንም ማድረግንም በእናንተ የሚሠራ እግዚአብሔር ነውና “ 1 ዮሐንስ 3:9 "ከእግዚአብሔር የተወለደ ሁሉ ኀጢአትን በመለማመድ አይቀጥልም፤ የርሱ ዘር በውስጡ ይኖራልና፤ ከእግዚአብሔር ስለ ተወለደም ኀጢአትን ሊያደርግ አይችልም።" ንስሓ ማለት እኮ፣ የሰራኸው ሃጥያት ስህተት እንደሆነ፣ ተመልሰህም ማድረግ እንደማትፈልግ አምነህ፣ እግዚአሄርን የማያከብር ነገር እንዳደረክ ተቀብለህ ያንን ነገር ድጋሚ ላለማረግ ጸጋን መጠየቅ እኮ ነው። ንስሓ መንግስተ ሰማይ ለመግባት ሳይሆን የአዲሱ አካልህ ተፈጥሮ ስለሆነ ነው። ያ ሳይሆን ቀርቶ ንስሃ ምትገባው ሲዖል ላለመግባት ከሆነ፣ የምር አዲስ ፍጥረት ሆኛለው ወይ ብለህ ራስህን ጠይቅ። ማቴዎስ 7:18 "ጥሩ ዛፍ መጥፎ ፍሬ፣ መጥፎም ዛፍ ጥሩ ፍሬ ማፍራት አይችልም።"