ረጅም ርቀት ሳንጏዝ አዙረን እንጠይቅሀ... እርስ በእርሳችሁ ትፀልያላችሁ አይደል ለምንድነው ምትፀልዩት አንዳችሁ ለአንዳችሁ ? እራሳችሁ መፀለይ እየቻላችሁ(ቀጥታ በበሩ መግባት እየቻላችሁ) 😊

ለነሱ የተለመነ አምላክ ለኛም እንዲለመን እንዲያማልዱን እንዲጠይቁልን ነዋ ደግሞም ለነሱ የተገባላቸው ቃልኪዳን ስላለ እነሱ ከኛ በላይ ለፀሎት የተጉ እንደሆን ግልፅ ነው እና ሌላም ብዙ ብዙ አንተም ጠይቅ አያሳፍሩህም❤️

1ጢሞ2:2-4 ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለኹ።ሰዎች ሁሉ ሊድኑና እውነቱን ወደ ማወቅ ሊደርሱ በሚወድ በእግዚአብሔር በመድኀኒታችን ፊት መልካምና ደስ የሚያሠኝ ይህ ነው። ሮሜ 12:5 እንዲሁ ብዙዎች ስንኾን በክርስቶስ አንድ አካል ነን፥ርስ በርሳችንም እያንዳንዳችን የሌላው ብልቶች ነን። ስለዚህ ምልጃን እግዚአብሔር ይወደዋል እና ደሞ ሁላችን ክርስቲያኖች አንድ አካል ነን ይሄ አካልነት ደሞ በሞት የሚቆም አይደለም ለዛ ነው የምንጸልየው ግን አንተስ ብትሆን ለምን ፓስተርዬ ጸልይልኝ ትላለህ በቀጥታ በሩ መግባት ስትችል ወይ ደሞ አንዱ ለ አንዱ ለምን ይጸልይለታል ቀጥታ በበሩ መግባት እየተቻለ

ሙታን ሚባሉት ኃጢአት ሰርቶ ወደ ገሃነም ለገቡት ነው እንጂ ቅዱሳን ሙታን አይባልም ሕልውናቸውንም አያጡም “ሕያው የሆነም የሚያምንብኝም ሁሉ ለዘላለም አይሞትም፤ ይህን ታምኚያለሽን? አላት።” — ዮሐንስ 11፥26 2ኛ ቆሮ 9 ¯¯¯¯¯¯¯¯¯¯ ¹¹ በእኛ በኩል ለእግዚአብሔር የምስጋና ምክንያት የሚሆነውን ልግስና ሁሉ እንድታሳዩ በሁሉ ነገር ባለ ጠጎች ትሆናላችሁ። ¹² የዚህ ረድኤት አገልግሎት ለቅዱሳን የሚጎድላቸውን በሙሉ የሚሰጥ ብቻ አይደለምና፥ ነገር ግን ደግሞ በብዙ ምስጋና ለእግዚአብሔር ይበዛል፤ ¹³ በዚህ አገልግሎት ስለ ተፈተናችሁ፥ በክርስቶስ ወንጌል በማመናችሁ ስለሚሆን መታዘዝ እነርሱንና ሁሉንም ስለምትረዱበት ልግስና እግዚአብሔርን ያከብራሉ፥ ¹⁴ ራሳቸውም ስለ እናንተ ሲያማልዱ፥ በእናንተ ላይ ከሚሆነው ከሚበልጠው ከእግዚአብሔር ጸጋ የተነሣ ይናፍቁአችኋል። የቅዱሳን ፀጋ እና አገልግሎት √ቅዱሳን ብዙ ተጋድሎ ፈጽመው እስከሞት ድረስ ሲታመኑ ድል አደረጉ ይባላል። ብዙ ክብርም ይሰጣቸዋል። "ፃድቃን ድል ባደረጉ ጊዜ ብዙ ክብር አለ" ምሳ28፥12 እንዲል ከሚሰጣቸው ጸጋ ጥቂቶቹ ፩. የአማላጅነት ፀጋ -ምልጃ ተፈጻሚ እንዲሆን ሦስት ክፍሎች ያስፈልጋሉ። ፩.ተማላጅ- እግዚአብሔር ፪.አማላጅ- (ቅዱስ-ፀሎቱ ሚሰማለት) ፍጡር ፫.የሚማለድለት ፍጡር- ፪ ነገሮችን ማሟላት አለበት። አንደኛ ኃጢያቱን የሚያምን መሆን ሲኖርበት ሁለተኛ ደግሞ ለሰራው ኃጢያት ስርየት የሚፈልግ መሆን አለበት። አማላጅነት ለምን አስፈለገ? ሀ. ምልጃ አንዱና ዋናው የፀሎት ክፍል ስለሆነ ለምሳሌ-አባታችን ሆይ -በመጽሐፍቅዱስ ስለፀሎት ሲጠቀስ አብሮ ስለ ምልጃ ተጠቅሷል። ለምሳሌ- 1ጢሞ2፥2 እና ፊልጽ4፥6 ለ.አማላጅነት እግዚአብሔር ለቅዱሳኑ የሰጠው ቃልኪዳን ክብር የሚገለጥበት አንዱ መንገድ ስለሆነ •ዘፍ20፥1-7 - የአብርሃምን ክብር በአብርሃም አማላጅነት ለአቤሜሌክ ሲገልጥለት •ማቴ15፥21-27 - ከነአዊቷን ሴት በደቀ መዛሙርቱ አማላጅነት ሲያነጋግራት ዘኁ12፥1 - ሙሴ ለአሮን እና፡ለማርያም እንደጸለየ ሐ. ከኃጥአን ፀሎት ይልቅ የፃድቃን ፀሎት ተሰሚነት ስላለው •1ጴጥ3፥12 "የእግዚአብሔር አይኖቹ ወደ ጻድቃን ጆሮዎቹም ለፀሎታቸው የተከፈቱ ናቸው" •ያዕ5፥16 " የፃድቅ ሰው ፀሎት ኃይልን ታደርጋለች ግዳጅም ትፈጽማለች" - የኃጥአን ፀሎት ጨርሶ አይሰማም ባይባልም ተሰሚነቱ ግን የፃድቃንን ያህል አይደለም። •ምሳ15፥8 "የኃጥአን መስዋዕት(ፀሎት) አጸያፊ ናት የፃድቃን ፀሎት ግን በእግዚአብሔር ዘንድ የተወደደ ነው" •ምሳ15፥29 "እግዚአብሔር ከኃጥአን ፀሎት ይርቃል የፃድቃን ፀሎት ግን ምላሽ ያመጣል" ለምሳሌ ራዕ8- የቅዱሳኑ ፀሎት ከእጣኑ ጢስ ጋር ወደ ሰማይ ማረጉ መ. አማላጅነት የትህትና ፀሎት ስለሆነ ምልጃ አስፈላጊ ነው √ቅዱስ ጳውሎት የበቃ ሆኖ ሳለ ወጣንያን ክርስቲያኖችን እንዲፀልዩለት እንዲማልዱለት ይጠይቅ ነበር። (ቆላ4፥4 ኤፌ6፥19-20) √እግዚአብሔር በትዕቢት የሚደረፍ ፀሎትን ይቃወማል። (1ጴጥ5፥5)

ጸሎት ወደ ቅዱሳን ወደ ቅዱሳን መጸለይን ሌላ ነገር ሳይሆን ልክ እኔ ሌላ ሰውን ጸልይልኝ ስለኔ ለምንልኝ እንደምለው ነው ሊታይ የሚገባው እንጂ ሌላ አይደለም። መጽሐፍ ቅዱስ እንደሚነግረን አንዳችን ስለሌላችን ልንጸልይ ምልጃን ልናቀርብ ይገባል ፡ ስለዚህ ቅዱሳኑ ደግሞ የተለዩ ሌላ አካል ሳይሆኑ አሁንም ከኛ ጋር በክርስቶስ አካል ላይ ያሉ ከቤተክርስቲያን ያልተለዩ ናቸው። (ይህንን ሐሳብ ቀደም ባሉት ክፍሎች በደንብ አንስተነዋል) ስለዚህ ወደ ቅዱሳን ጸሎት እያደረግን ነው ስንል ትርጉሙ ልክ እኔ ሌላ ወንድሜን በጸሎትህ አስበኝ ወደ አምላክ ጸልይልኝ ምልጃን አቅርብልኝ እንደምለው ሁሉ ቅዱሳንን ለዛውም ይህን ዓለም ድል አድርገው የሄዱትን ለኔ ወደ አምላክ ጸልዩልኝ ከኃጢያተኛው ጸሎት ይልቅ እግዚአብሔር አይኖቹ እና ጆሮዎቹ ወደ ጻድቃን ናቸው እና ጸሎቴ ተቀባይነትን እንዲያገኝ ስለኔ ወደ አምላክ ጸልዩ ምልጃን አቅርቡልኝ እንላለን ....ይህንን ከቅዱሳን ጋር የምናደርገውን 'ንግግር' ጸሎት ብለን የምንጠራው ምክንያቱም ከላይ እንዳየነው የጸሎት ትርጉሙ ንግግር ማለት ነውና! እስኪ እዚህ ሃሳብ ላይ የሚነሱ ሃሳቦችን እያነሳን የበለጠ እንረዳው ቅዱሳንን ይህንን አርጉልኝ ይህን አርጉልኝ ብለን እንጠይቃቸዋለን ካድያ ይህን ማድረግ እነሱን እንደ አምላክ ማድረግ አይደለም? ፈጽሞ እነሱን አምላክ ማድረግ አይደለም ፣ በዚሁ የነገረ ቅዱሳን ትምህርታችን ላይ ቀደም ብለን እንዳየነው ለቅዱሳን ራሱ እግዚአብሔር አምላክ የሰጣቸውን ብዙ ጸጋ እና ሥልጣን አይተናል ሁሉንም ከመጽሐፍ ቅዱስ አንስተን ማለት ነው። ስለዚህ ለምሳሌ እኔ ቅዱስ ጴጥሮስን እንዲህ አድርግልኝ ብዬ ብጸልይ እና ቢሆንልኝ ቅዱስ ጴጥሮስ ከእግዚአብሔር ተለይቶ በራሱ ያንን ነገር አደረገልኝ ማለት አይደለም ፣ ነገር ግን ያንኑ ቢያደርግ ከዛው ከእግዚአብሔር በተሰጠው ጸጋ እንጂ ከራሱ አይደለም ስለዚህ ከእግዚአብሔር ፈቃድ የወጣ አይደለም ጸሎቴም ወደ እግዚአብሔር መሆኑ አልቀረም ምክንያቱም እንዳነሳነው ቅዱሳኑ ከራሳቸው ሳይሆን ከእግዚአብሔር ጠይቀው ነውና ያንን ነገር የሚያደርጉልን ማለት ነው። በዚህ መሰረት ጸሎት ወደ እግዚአብሔር መሆኑ አልተቋረጠም ነገር ግን ያ ጸሎታችን ኃይል እንዲያገኝ በአምላክ ፊት ያንን ጸሎታችንን ቅዱሳኑ እናስቀርባለን ምክንያቱም የጻድቅ ሰው ጸሎት ኃይልን ያደርጋልና ስለሚለን መጽሐፍ ቅዱሳችን ጸሎትን ወደ እግዚአብሔር እኛ ክርስቲያኖች አናቀርብም? ማቅረብስ አንችልም? እኛ ክርስቲያኖች ጸሎትን ወደ እግዚአብሔር ማቅረብ እንችላለን እናቀርባለንም። ለዚህ ሌላ ሩቅ ሳንሄድ በየቀኑ ምንለውን አባታችን ሆይ የሚለውን ጸሎት ማስተዋል ብቻ ለዚህ ጥያቄ መልስን ያገኛል። ነገር ግን ያ ሰው ኃጢያተኛነቱን አምኖ በጻድቅ ሰው ጸሎቱ እግዚአብሔር ፊት ማቅረብ ይችላል ይህም መጽሐፍ ቅዱሳዊ ስለሆነ ማለት ነው። እሺ ወደ ቅዱሳን ጸሎቴን ላቅርብ ግን በተመሳሳይ ሰዓት ሌላ ሰው ቢያቀርብ እንዴት ሊሰሙን ነው? የሚል ሃሳብ ሊነሳ ይችላል ለዚህ ሀሳብ ደግሞ እስኪ መጽሐፍ ቅዱሳችንን እንክፈት እና ምን እንደሚለን እንመልከት ብሉይ ኪዳን ከብሉይ ኪዳን ኤልሳዕን እናንሳ ነብዩ ኤልሳዕ አንድ ሃገር ውስጥ ሆኖ ሳለ ሌላ ሐገር ውስጥ ያለው ጠላት ንጉስ ሊያጠቃቸው ያወጣውን የጦርነት ዕቅድ የትም ሳይሄድ እያወቀ ለሐገሩ ንጉስ ሄዶ እየነገረው ድል እንዲያደርጉ ያስደርግ ነበር ይህንን ሐሳብ 2ኛ ነገሥት 6 ¯¯¯¯¯¯¯¯¯¯ ⁸ የሶርያም ንጉሥ ከእስራኤል ጋር ይዋጋ ነበር፤ ከባሪያዎቹም ጋር ተማክሮ፦ በዚህ ተደብቀን እንሰፍራለን አለ። ⁹ የእግዚአብሔርም ሰው፦ ሶርያውያን በዚያ ተደብቀዋልና በዚያ ስፍራ እንዳታልፍ ተጠንቀቅ ብሎ ወደ እስራኤል ንጉሥ ላከ። ¹⁰ የእስራኤልም ንጉሥ የእግዚአብሔር ሰው ወደ ነገረው ስፍራ ሰደደ፤ አንድ ጊዜም ሳይሆን፥ ሁለት ጊዜም ሳይሆን በዚያ ራሱን አዳነ። ¹¹ የሶርያም ንጉሥ ልብ ስለዚህ እጅግ ታወከ፤ ባሪያዎቹንም ጠርቶ፦ ከእኛ ዘንድ ከእስራኤል ንጉሥ ጋር የተወዳጀ እንዳለ አትነግሩኝምን? አላቸው። ¹² ከባሪያዎቹም አንዱ፦ ጌታዬ ሆይ፥ እንዲህ እኮ አይደለም፤ ነገር ግን በእልፍኝህ ውስጥ ሆነህ የምትናገረውን በእስራኤል ዘንድ ያለ ነቢይ ኤልሳዕ ለእስራኤል ንጉሥ ይነግረዋል አለ። ¹³ እርሱም፦ ልኬ አስይዘው ዘንድ ሄዳችሁ ወዴት እንደ ሆነ እዩ አለ። እነርሱም፦ እነሆ፥ በዶታይን አለ ብለው ነገሩት። ¹⁴ ወደዚያም ፈረሶችንና ሰረገሎችን እጅግም ጭፍራ ሰደደ፤ በሌሊትም መጥተው ከተማይቱን ከበቡ። ከሐዲስ ኪዳን በሐዲስ ኪዳን የቅዱስ ጴጥሮስን እና የቅዱስ ዮሐንስን እናንሳ ሐዋ 5ን ስናነብ ያለውን ቃል እናንብበው እስኪ ሐዋርያት 5 ¯¯¯¯¯¯¯¯¯¯ ¹ ሐናንያም የተባለ አንድ ሰው ሰጲራ ከተባለች ከሚስቱ ጋር መሬት ሸጠ፥ ² ሚስቱም ደግሞ ስታውቅ ከሽያጩ አስቀረና እኩሌታውን አምጥቶ በሐዋርያት እግር አጠገብ አኖረው። ³ ጴጥሮስም፦ ሐናንያ ሆይ፥ መንፈስ ቅዱስን ታታልልና ከመሬቱ ሽያጭ ታስቀር ዘንድ ሰይጣን በልብህ ስለ ምን ሞላ? ⁴ ሳትሸጠው የአንተ አልነበረምን? ከሸጥኸውስ በኋላ በሥልጣንህ አልነበረምን? ይህን ነገር ስለ ምን በልብህ አሰብህ? እግዚአብሔርን እንጂ ሰውን አልዋሸህም አለው። ⁵ ሐናንያም ይህን ቃል ሰምቶ ወደቀ ሞተም፤ በሰሙትም ሁሉ ላይ ታላቅ ፍርሃት ሆነ።...

ከመጽሐፍ ቅዱስ ወይም ከ1st and 2nd century church fathers ወደ ፍጡራን ጸሎት የቀረበ ሰው ይኖር ይሁን አንዴ??

mebtachin adel ende koy 😂😂😂😂 i mean that's why eko yeteyeyaye emnet yalen aa... ketemechenis koy endeza metseley aychalm ayseram mibal neger kalakerebk beker k fit ber or behuala ber megbatachin mn asasebeh let us be esti mn alebet

1 https://t.me/ZANCHOR 2  https://t.me/mere_protestantism 3 https://t.me/Yeshua_Apologetics_Ministry 4 https://t.me/hokhmahchristianstudies 5 https://t.me/christiandogmatics 6 https://t.me/christiangoodbooks 7 https://t.me/Romans148