ሰላም! እውነተኛ ወዳጅ ለኔ ባገኝም ባጣም፣ ብደሰትም ባዝንም ሁሌም ከጎኔ በፈለግኩት ሰዓት የማላጣው ሰው፣ ጥሩ ስሰራ “ጎሽ ጥሩ አደረግክ” የሚለኝ ስሳሳትም ሳያፍረኝ አሊያም አሳዝነዋለው ብሎ ሳይሸማቀቅ “ልክ አላደረግክም” ብሎ በግልፅ የሚነግረኝ፣ ከጀርባዬ የማያማኝ፣ ከልቡ እንደወንድሙ የሚያየኝ፣ ሚስጥሬን ነግሬው ያባክንብኝ ይሆን ብዬ የማልሰጋበት ...ያ ሰው የእውነት ወዳጅ ነው! በዚህ ዘመን እውነተኛ ጓደኛ ማግኘት ከባድ ነው ...ጊዜ የማይቀይረው ማንነት የለም ...በማንምም እርግጠኛ መሆን አይቻልም፤ አሉ ስንላቸው የሚጠፉ በረከቱ! ወዳጅነት ከጥቅም ትስስር ነፃ ሲሆን ነው ደስ የሚለው! እኔ እንዲህ አይነት ወዳጅ የሆነልኝ አንዱ የሰማይና የምድር ፈጣሪና ባለቤት አምላኬ ብቻ ነው! በውድቀቴም በስኬቴም፣ በህመሜም በደስታዬም፣ በሀጢዓቴም በፅድቄም፣ በእንባዬም በሳቄም ውስጥ ከጎኔ ያልተለየኝ እሱ ብቻ ነው! አጣህ አገኘህ ብሎ የማይገፋኝ አንዱ ወዳጄ እሱ ፈጣሬዬ ብቻ!!! ይህ ግን የግል ምልከታዬ ብቻ እንደሆነ ልብ ይለዋል! የሰው መልኩ እንደተለየ ሁሉ አመለካከታችንም ለየቅል ነው አይደል 🙏