እየጨለመብን የመሰለን እውቀቶች ከሚታሰበው በላይ በጣም ሰፊ እንደሆኑና ይህን ሁሉ ማወቅ እንደማንችል ስናስብ ነው። ሁሉን ነካክተን መጨረስ እንደማንችል ካወቅን እንዴት አይጭነቀን? ለዚህ መፍትሔው የምትወደው/ስትሰራው ብቃትህ የሚታይበትን አንድ እና ሁለት እውቀቶችን/ስራዎችን ማስተር አድርጋቸው። ከዚያ በኋላ ኅብረተሰቡ አዋቂ ነህ ብሎ ባትማር እንኳ የዶክትሬት ማዕረግ ሲያሸክምህ ታየዋለህ። ቲዲ አፍሮ ሳይማር ዶክተር ለመባሉ በቂ ምሳሌ ነው። የትኛው ቪድዮ ላይ እንደሰማሁት ባላስታውስም በግርድፉ እንዲህ ይላል፦ "ይህች ምድር ሁሉን አውቃለሁ የሚለውን አትሸልምም። ይልቁንም አንድ እውቀት ይዞ በዚያ እውቀት ጥልቅ የሆነ መረዳት ያለውን ትሸልማለች።" ይላል። የሚሰራ አይጨነቅም/አይጨልምበትም። መስራት እየቻልን ባለመስራታችን የጎደለብን ነገር ሲኖር ነው የሚጨንቀን። ለራስህ በቂ ጊዜ ስጥ እና የሚያስጨንቅህን ነገር ጻፍ። መንስኤው ምን እንደሆነ አስከትለህ ጻፍ። መፍታት የምትችለውን ችግር ጻፍ። የምትወስደውን action ጻፍ። ወደ አክሽኑ ግባ። መፍታት የማትችለውን ችግር ጻፍ። መፍታት ካልቻልከው መጨናነቅህ መፍትሔ መሆን እንደማይችል አምነህ አቅም እስኪሰጥህ ለፈጣሪህ ተወው። ይህን ምክር ለመስጠት ከ30 በላይ መሆን አይጠበቅም። ወጣትነት የማይመለስ ስጦታ መሆኑን የተረዳ አስራዎቹ እና ሃያዎቹ ቤት ያለ ወጣት፣ ያመለጠው አርባዎቹ እና ሰባዎቹ ቤት ያለ ጎልማሳ ሽማግሌ ሊመክር ይችላል።