መጀመሪያ መንከባከቡ የርሱ ግዴታ ነበር። የናቀው ንብረት ውድ መሆኑን ካወቀ በኋላ በግድ ላግኘው ቢል ምን ዋጋ አለው? አለፈ። በእምቢታሽ ጽኚ። ከላይ እንደተጻፈልሽ መረጃዎችን በሚገባ አስቀምጪ። የቅርብ ጊዜውን ኢንሲደንት የረሳሽው አይመስለኝም። ያለችበት ጊቢ ሄዶ ወደድኳት ያላትን ሴት የገደለውን ወጣት ሰው ታሪክ ማለቴ ነው። ካለሽበት ጊቢ መውጣት አቁሚ። ለጊዜውም ቢሆን ሲም ካርድሽን ዝጊና አዲስ ሲም ተጠቀሚ። ቤተሰቦችሽ ሊፈልጉሽ ስለሚችሉ ሲም መቀየርሽን ሳታሳውቂ ምክንያት ፍጠሪ። ለምሳሌ "ጥናቴ ላይ መበርታት ስለፈለግኩ ቀን ቀን/ ማታ ማታ ስልኬ ዝግ ስለሚሆን አትጨነቁ። ስትፈልጉኝ ጓደኛዬ ከኔ ጋር ስለምትውል በጓደኛዬ ስልክ ደውላችሁ ልታገኙኝ ትችላላችሁ።" ብለሽ አዲሱን ቁጥርሽን ስጫቸው። አንድ ይቀርበኛል ለምትዪው ቤተሰብ ይህን ጉዳይሽን አሳውቂ። ወንድ ቢሆን የተሻለ ነው። የዚህን ጀዝባ ወላጆችን የምታውቂ ከሆነ ወይም ደግሞ አንድ ጊዜ ጨክነሽ ቤተሰቦቹ ጋር ሄደሽ የልጃቸውን ስራ ከነማስረጃዎችሽ አሳውቂያቸው። ልጃቸውን እንዲያሳርፉ እና ለህይወትሽ ስጋት እንደሆነ ንገሪያቸው። ለወላጆቹም ይህን ስትነግሪ ሪከርድ ማድረግሽን አትርሺ። መረጃዎችሽን በሙሉ ለኔ ቅርብ ነው ለምትዪው ሰው በየጊዜው እየላክሽለት Update አድርጊ። አትፍሪው! ይህ ማለት ግን አትጠንቀቂ ማለት አይደለም። መጠንቀቂያዎችሽን ሁሉ ይዘሽ ነው አለመፍራት። የመጨረሻ የማይሳካ ከሆነ ለወላጆችሽ አሳውቂ። የሞከርሻቸውን አማራጮች ሁሉ ንገሪያቸው። መረጃዎችሽን አሳዪ። እነርሱ ለልጃቸው እንዴት መከላከል እንዳለባቸው ያውቃሉ። ልኩን ያስገቡታል።