የህግ እውቀት ያላችሁ አግዙኝ እኪ አንድን ድርጅት (PLC) ከስሼ ወደ አዲስ አበባ ከተማ አስተዳድር የመጀመሪያ ደረጃ ፍ/ቤት አቀረብኩት። መልሱ ላይ: የመጀመርያ ደረጃ መቃወሚያ 1) ይህ ክርክር በከሳሽ ግለሰብና በተከሳሽ ኃላፊነቱ የተወሰነ የግል ማህበር መካከል የሚደረግ መሆኑ ግልፅ ነው፡፡ ስለሆነም በአዋጅ ቁጥር 1234/13 አንቀፅ 5(ደ) መሰረት ይህ ፍ/ቤት በግለሰቦች መካከል የሚኖርን የገንዘብና የውል ጉዳይ ከሚመለከት በስተቀር በግለሰብና በንግድ ሕጉ መሰረት በሚተዳደሩ ማህበራት መካከል የሚኖርን ክርክር ተቀብሎ የመዳኘት ስልጣን የለውም፡፡ ይህ ፍ/ቤት መጥሪያውን በፍ/ብ/ስ/ስ/ሕ/ቁ 233 መሰረት ለተከሳሽ ከመላኩ በፊት በፍ/ብ/ስ/ስ/ሕ/ቁ 231 መሰረት የስረነገር ስልጣን እንዳለው አጣርቶ መጥሪያውን ሊልክ ይገባ ነበር፡፡ ስለሆነም የተከበረው ፍ/ቤት ከላይ በተገለጸው አዋጅ መሰረት የስረነገር ስልጣን የለኝም በማለት መዝገቡን ዘግቶ ለሕግ ባለሙያ ያወጣነውን ወጪ በቁርጥ ወስኖ እንዲያሰናብተን በአክብሮት እንጠይቃለን፡፡