አበው ቅዳሴ ማሪያምን ሲተረጉሙ እንደ ንብ ያለ ሩካቤ የሚለውን ሲፈቱት ቃል በቃል ምን ይላል፦ ሐተታ" ይህ ንብ አውራው ድምጽ ባሰማው ጊዜ እንበለ ዘርዕ እጭ ሰርቶ ያድራል ከመ ንህብ እለ ወተአነዝር እግዝእቶን ለአንህብት እንዲል።" ከቃል ድምጽ የተገኘ ፅንስ ይለዋል አባ ሕርያቆስ ጌታችን የመጸነሱን ነገር ሲያስብ. . . የመላኩ ገብርኤልን ቃል ሰምታ እንደ ቃልህ ይደረግልኝ ባለች ቅጽበት በማህጸኗ ያ አካላዊ ቃል ተቀርጿል. . . ቃልን በመስማት ያለ ወንድ ዘር መጸነሰ ራሱ በደንብ ከታሰበበት በጣም ያስገርማል. . . እመቤታችንን ልዩ የሚያደርጋት የሰማችው ቃል በዘጠነኛው ወር መልክ ይዞ በማየቷ ነው. . . እሱ ብቻ አይደለም ፈጣሪዋን መሆኑ ከሰው ልጆች ልዩ ያደርጋታል. . . አባ ሕርያቆስም ይሄ ነገር ድንቅ ሆኖበት በመንፈስ ቅዱስ የደረሰው ቅዳሴ  ሰርክ አዲስ በመሆን ሁሌም ሲሰሙት ሲያነቡት ሰዎች የተለየ መንፈሳዊ መነካት እንዲሰማቸው አድርጓል