ሰላም! ይሄ ስሜት እውነቱን ለመናገር አብዛኞቻችን የምንጋራው ስሜት ይመስለኛል፤ ማለትም በህይወታችን መድረስ አለብን ብለን የምንመኘው ቦታ ጋር ለመድረስ ስንል ነገሮችን መስዋዕት ስናደርግ እንስተዋላለን። ደስ የሚለው ግን ጥሩ ዕድሜ ላይ ነው የነቃኸው/ሽው። ሰዎች ስንባል ትልቁ ስህተታችን የማናውቀውን ነጋችንን በእኛ ቁጥጥር ስር ማድረግ ስለምንፈልግ ውድ ስጦታ የሆነው ዛሬያችንን ሳንኖረው ያመልጠናል። መፍትሔው አንድ እና አንድ ብቻ ይመስለኛል! ዛሬ የሚባለው ነገር እስካለ ድረስ ይቆጩን የነበሩ፣ ሳናደርጋቸው የቀረናቸው አሊያም ልንሞክራቸው የምንፈልጋቸውን ነገሮች ዛሬ ላይ መኖር! ከተጠቀሰው ዕድሜ አንፃር አሁንም አልረፈደም! ይህን ስል ግድ የለሽ የሆነና ራስንም ሆነ ህልምን አደጋ ላይ የሚጥል ሁኔታ ውስጥ for the sake of fun መግባት አለብን እያልኩ አይደለም! ግን ጤናማ ግንኙነት፣ ጤናማ አስተሳሰብ እና ጤናማ ማንነትን ለመገንባት አንዳንድ ጊዜ ከcomfort zone ወጣ ብሎ ነገሮችን መሞከር ጥሩ ይመስለኛል።