ኦርቶዶክሳዊያን ልብ ልንለው እና ምን ጊዜም ልንዘነጋው የሚገባው ነገር ኹላችንም እንደቆረብን ነው ! ሥጋችን ከሥጋው ደማችን ከደሙ ተዋህዷል ! ! ስለዚኽ ቆራብያን ቅድመ ቁርባን ጊዜ ቁርባን እና ድኅረ ቁርባን ሊያደርጉ ከሚገባው ጥንቃቄ በተለየ እንደ ክርስቲያን የተለየ ሕይወት ሊኖራቸው አይችልም። አንድ ክርስቲያን ሊኖር እንደሚገባው ቆራብያኑ በተመሳሳይ መልኩ ይኖራሉ ! ቆራብያኑም አንድ ክርስቲያን ሊኖር እንደሚገባው እንዲኹ መኖር አለባቸው ! ክርስቲያን እንዴት ይኖራል ለሚለው ኹሉ በአግባብ እና በሥርዓት ይኹን እንዳለ አንድ ክርስቲያን ለአለባበሱ ለአረማመዱ ለአመጋገቡ ለአነጋገሩ በጥቅሉ ለተግባራቱ ኹሉ ሥርዓት የተሠራለት ነው። እለት እለትም አምላኩን ክርስቶስን ለመምሰል የሚጥር መኾን ይገባዋል ። ለሴትም ለወንድም ተወስኖ የተሠራ ሥርዓት እንደመኖሩ በዛ መሰረት ለመኖር ራስን ማለማመድ ነው ዋናው ነገር።