የመጀመሪያ ጉዳይ መንፈሳዊ ሕይወት የባልየው ሃላፊነት እንጂ ያንቺ ሃላፊነት አይደለም። የቤቱ ራስ ና ካህን ባል ነው። አንቺ የመደገፍ እንጂ እሱን የመምራት ሃለፊነት የለብሽም። ግን ገና ወደፊት ልትጋቡ ያላችሁ በመሆኑ እድለኛ ወንድ ነው ስለመንፈሳዊ ሕይወቱ የምታስብ ሴት ስላለው። የመጀመሪያ አንቺ ከእግዚአብሔር ጋር ያለሽ ሕይወት ይስተካከል ። በየቀኑ ቋሚ የጸሎት ስዓት ይኑርሽ። ብትቺዩ ጠዋት የመጀመሪያ ስራሽ ማታ የመጨረሻሽ ስራ ይሁን። መጽሐፍ ቅዱስ አንብቢ በቋሚነት የንባብ ጊዜ ይኑርሽ። መንፈሳዊ መጽሐፍትንም አንብቢ ፤ ስብከቶችና ትምህርቶችን ተከታተይ youtube ላይ አለልሽ። በቤተክርስቲያን እና በሰንበት ትምህርት የሚሰጡ ትምህርቶችን ተከታተይ። የነፍስ አባትሽን ስለመንፈሳዊ ነገር አማክሪያቸው። በጸሎት ሰዓትሽ እንደ ርዕስ 1) እግዚአብሔር እውነተኛ ረዳት እንዲያደርግሽ ጸልዩ ፤ በመንፈሳዊ ሕይወትሽ እንድትበረቺ ጸሎትን እንድትለምጂ ፤ መንፈሳዊ ትምህርት እንዲገባሽ 2) እሱም በመንፈሳዊ ሕይወቱ እንዲበረታ አቅም እንዲሰጠው ጸልይለት 3) ወደፊት ባልሽ ሲሆን ፥ ባልነት ከባድ ሃላፊነት ስለሆነ እግዚአብሔር ለዚያ እንዲያዘጋጀው ፤ አንቺንም ለመልካም ሚስትነት እንዲያዘጋጃችሁ ጸልዪ