መገረዝ(circumcision) 🔑መገረዝ በሰው እና በእግዚአብሔር መካከል የተደረገ ቃልኪዳን የማፅናት ((((ምልክት))))) ነው። በመጀመሪያ በአብርሃም እና በቤተሰቡ መካከል በተደረገ የእግዚአብሔር ትዕዛዝ በመቀበል የተጀመረ ነው። 9፤ እግዚአብሔርም አብርሃምን አለው። አንተ ደግሞ ቃል ኪዳኔን ትጠብቃለህ፥ አንተ ከአንተም በኋላ ዘርህ በትውልዳቸው። 10፤ በእኔና በአንተ መካከል፥ ከአንተም በኋላ በዘርህ መካከል የምትጠብቁት ቃል ኪዳኔ ይህ ነው፤ ከእናንተ ወንድ ሁሉ ይገረዝ። 11፤ የቍልፈታችሁንም ሥጋ ትገረዛላችሁ፤ በእኔና በእናንተ መካከል ላለውም ቃል ኪዳን ምልክት ይሆናል። 12፤ የስምንት ቀን ልጅ ይገረዝ፤ በቤት የተወለደ ወይም ከዘራችሁ ያይደለ በብርም ከእንግዳ ሰው የተገዛ፥ ወንድ ሁሉ በትውልዳችሁ ይገረዝ። 13፤ በቤትህ የተወለደ በብርህም የተገዛ ፈጽሞ ይገረዝ። ቃል ኪዳኔም በሥጋችሁ የዘላለም ቃል ኪዳን ይሆናል። 14፤ የቍልፈቱን ሥጋ ያልተገረዘ ቈላፍ ሰው ሁሉ፥ ያች ነፍስ ከወገንዋ ተለይታ ትጥፋ፤ ቃል ኪዳኔን አፍርሳለችና። (ኦሪት ዘፍጥረት ምዕ. 17:9-14) 🔑እስራኤል ወደ ግብፅ በረሃቡ ምክንያት 430 ዓመት ካሳለፉ በኋላ ሙሴ ልጁ ሳይገረዝ 8ቀን ስላለፈው እግዚአብሔር በቁጣ የመጣበትን መንገድ እናያለን። 23፤ እስራኤል የበኵር ልጄ ነው፤ ይገዛልኝ ዘንድ ልጄን ልቀቅ አልሁህ፤ አንተም ትለቅቀው ዘንድ እንቢ አልህ፤ እነሆ እኔ የበኵር ልጅህን እገድላለሁ ትለዋለህ። 24፤ እንዲህም ሆነ፤ በመንገድ ላይ ባደረበት ስፍራ እግዚአብሔር ተገናኘው፥ ሊገድለውም ፈለገ። 25፤ ሲፓራም ሚስቱ ባልጩት ወሰደች፥ የልጅዋንም ሸለፈት ገረዘች፥ ወደ እግሩም ጣለችው። አንተ ለእኔ የደም ሙሽራ ነህ አለች። 26፤ ከእርሱም ፈቀቅ አለ። የዚያን ጊዜ። ስለ ግርዛቱ አንተ የደም ሙሽራ ነህ አለች። 🔑በአጠቃላይ መገረዝ በሰው እና በእግዚአብሔር መካከል የሚደረግን ቃልኪዳን የሚያሳይ ሲሆን አሁን ባለንበት በአዲስ ኪዳን ግን የተለየ እይታና እና ግንዛቤ አለው። ለምሳሌ፦ " ሕግን ብታደርግ መገረዝስ ይጠቅማል፤ ሕግን ተላላፊ ብትሆን ግን መገረዝህ አለ መገረዝ ሆኖአል።" (ወደ ሮሜ ሰዎች 2:25) " በክርስቶስ ኢየሱስ ሆኖ፥ በፍቅር የሚሠራ እምነት እንጂ መገረዝ ቢሆን ወይም አለመገረዝ አይጠቅምምና።" (ወደ ገላትያ ሰዎች 5:6) ✔ስለዚህ በአዲስ ኪዳን መገረዝ ማለት በክርስቶስ ኢየሱስ በሚኖር የፍቅር እምነት የሚገለጽ የተግባር ኑሮ ነው።