ምን በጣም እንደገረመኝ ታዉቂያለ? እኔ እናት እና አባቴ ቤት ነዉ ያደኩት። አባታችን በጣም ደብዳቢ ሰካራም ነበር። እናታችን በጣም ድሀ ስለነበርን ትንንሽ ስራዎች ለመስራት ታናናሽ ልጆቹን እና የቤት ማስተዳደሩን ቢያንስ 8አመት ሲሞላኝ ጣለችብኝ። እንደ ሮቦት እንጂ ፍቅር እንደሚያስፈልገዉ ልጅ አታየኝም። ለሌሎቿ ልጆች እንስፍስፍ ናት ለኔ ግን ልቧ ድንግጥም አይልም። የእናትም አባትም ፍቅር ሳላይ ስላደኩ ነገሮችን ለብቻዬ ነበር የማደርጋቸዉ። ብዙ ቦታ በስራ ምክንያት ታፍኜ እራሱ ቤተሰብ ጋር ደዉይ ስሉኝ ግደሉኝ ቤተሰብ የለኝም ነዉ ያልኩት። ማንንም አላምንም። ወንድ ጠላቴ ነዉ። የመርሳት ችግር ሁሌ ነዉ ምክንያቱም ዉስጤ ድብልቅልቅ ይልብኛል። የምወስናቸዉ ዉሳኔዎች ትክክል ካልሆኑ ለብቻዬ መቀመቅ ስለምወርድ አይምሮዬን አስጨንቀዋለዉ። የትራዉማዉ ህመም ሙሉ ሰዉነቴን አድክሞታል። የሚገርመዉ ግን ከዉጪ ስታይ የደላኝ የሀብታም ልጅ ነዉ የምመስለዉ። ሰዉ ትንሽ ተናገረኝ ማለት ህይወቴን ሊያጠፋዉ ነዉ የሚመስለኝ ቶሎ እቆጣለዉ። እራሴን ለመከላከል ወዲያዉ እርምጃ እወስዳለሁ። በዚህ ወር መጀመሪያ ላይ እራሱ አባቴ አናት የሚበጠብጥ ስድብ ሰድቦኝ 2 ትንንሽ ሻንጣዎች ይዤ ከቤት ወጥቼ ባዶ ወና ቤት ተከራይቼ እራሴን እያስታመምኩ ነዉ። እኔ 32 አመቴ ድረስ አይምሮዬ ጥቅም አልባ ሆኖ ነዉ የኖርኩት በነሱ ምክንያት። አንቺ ገና ልጅ ነሽ። ሳይኮሎጂስቶች አናግረሽ ቶሎ ዳኚ። እንዴት እንደሚጎዳ ስለማዉቅ ነዉ እንዲህ የምልሽ።