ሰላም ጤና ይስጥልኝ እህት ወንድሞቼ እኔ የዩንቨርስቲ 5ኛ አመት ተማሪ ነኝ ። በባህሬ በጣም ዝምተኛና አይናፋር ሰው ነኝ ። እኔ ከሰው ጋር መጫወት ሆነ ማውራት ፍላጎት አለኝ ነገር ግን ዝምታዬ አይናፋርነቴ አሸነፈኝ ከዚህ የተነሳ ሰዎች ልቀርባቸው ስል መጀመርያ ላይ ደህና ይሆኑና ከቀናት ቡኋላ ባህሬን ካወቁ ይሸሹኛል ። እኔ ከዘመዶቼም ሆነ ከሌሎች ሰዎች የተገልልኩ ፍቅር ያልታደልኩ ሰው ነኝ ። ማንም አይወደኝም ዘመዶቼም ብር ላኩልኝ ስላቸው አይልኩልኝም ከ1ኛ እስከ 5ኛ አመት እስክደርስ ስልክም ሆነ ፕሲ አልነበረኝም ። አሁን ምንም የለኝም ብቸኝነት እየተሰማኝ ነው በዛ ላይ ምንም ከጎኔ የቆመ ሰውም የለኝም ሃሳቤ የማጋራው ። ከጎንህ የቆመ ሰው ብኖርህ ወደፊት አላማ ይኖርሃል እኔ ግን አላማዬ ሁላ ጠፍቶኛል ። ዝምተኛ ስትሆን ማንም አይወድህም ፣ ማንም ጓደኛ አያረግህም ፣ ከናትህ እና ከፈጣሪህ በቀር ዘመድህም ቢሆን ማንም ቢሆን ሁሌ ችላ ይልሃል ፣ በሰዎች ዘንድ የተናቅህ ነህ፣ ማንም አያየኝም ፣ ስለዚህ በተለይ እኔ በዚህ በወጣትነት ግዜ ደግሞ እኔ እንደማንኛውም ሰው ብዙ ፍላጎት አለኝ ነገር ግን በዚህ ከቀጠልኩ አንድ ነገር እንኳ ማሟላት አልችልም ። እኔ አይናፋርነቴ እያወቅኩ እንዳላዋቂ እንድሆን አድርጎኛል። ለቀጣይ አመት አላማ እንድኖረኝና ተስፋ እንድኖረኝ እባካቹ ሰዎች ወደፊት እንዴት እንደማሻሽለው ምክራችሁን ለግሱኝ ።