የመጀመርያው ነገር እንደ ክርስቲያን የእጮኝነት ሕይወታችሁን በምን መንገድ መምራት እንዳለባችሁ የእጮኝነት ትምህርት በደንብ ውሰዱ ኦርቶዶክሳውያን ወጣቶች በእጮኝነት ጊዜ ማድረግ ካለባቸው ነገሮች አንዱ ለውድቀት የሚዳርጓቸው ሰው የሌለባቸው አሳቻ ቦታዎች ላይ አለመገናኘት ነው፣ ስለዚህ መሳሳም እንድታቆሙ ማድረግ ያለባችሁ ነገር 1. በመጀመሪያ ደረጃ ይሄ አካሄድ ንጽሕናችሁን እንደሚያሳድፍ እና ለወደፊት ከምትጠብቁት ክብር እንዳትደርሱ ዕንቅፋት እንደሚሆንባችሁ(የዘፈን ዳርዳሩ እስክስታ እንዲሉ) ተነጋግሮ መተማመን እዚህ ላይ መረዳት ያለባችሁ አንድ ነገር በጋብቻው ሰዓት ቤተክርስቲያን ለልጆቿ የምትሰጣቸው አክሊል እስከ ዕለተ ጋብቻቸው ድረስ ከባዱን የዝሙት ፈተና ተቋቁመው ለመቆየታቸው የሚሰጥ ሽልማት ነው፣ ሽልማት የሚወስደው ደግሞ ሩጫውን እስከመጨረሻው በርትቶ የሮጠ እንጂ አቋራጭ መንገዶችን ለመጠቀም የሞከረ አይደለም.. 2. ከላይ እንደገለጽኩት ግንኙነታችሁን ሰዎች ባሉበት ቦታዎች ብቻ ማድረግ እና ብቻችሁን ሰው በሌለበት ቦታ የምትገናኙባቸውን አጋጣሚዎች መቀየር 3. አንዱ አካል ይህን ሁኔታ ለማስተካከል ከወሰናችሁ በኋላ ወደዚህ ሁኔታ በጣም የሚገፋ ከሆነ ደግሞ ከእግዚአብሔር አይበልጥምና በሂደት ግንኙነታችሁን ማቋረጥ አሁንም በቤተክርስቲያን መጋባት እንችላለን ወይ ለሚለው ጥያቄ መልሱ አዎ ነው በተጨማሪ ደግሞ የጋራ የነፍስ አባት ይዛችሁ በምክረካህን ግንኙነታችሁን ምሩ