እሳት ስታስነሳ 3 ነገሮች ያስፈልጉሃል፤ እነዚህም ነዳጅ፣ ኦክስጅንና ሙቀት ናቸው። ከእነዚህ መካከል አንዳቸውም ባይኖሩ እሳትህ አይነድም። ነዳጁ የአንተ ይዘት ነው። መናገር የምትፈልገውና መሰማት የምትፈልገው ለምንድን ነው? አድማጮችህ ፍላጎት እንዲያድርባቸውና እንዲመሰጡ ለማድረግ የሚያስችል በቂ ነዳጅ ሊኖርህ ይገባል፤ ይሁን እንጂ ይዘቱ ከአቅምህ በላይ ከሆነብህ ወይም ነዳጁ ከበዛ ትኩረትህን ልታጣ ትችላለህ። በተጨማሪም ለዓላማህና ለአድማጮችህ ትክክለኛውን ዓይነት ነዳጅ መምረጥ ይኖርብሃል። ለምሳሌ ያህል፣ አንድን ሰው ማሳመን ከፈለግህ እውነታውን፣ አኃዛዊ መረጃዎችንና ምሳሌዎችን እንደ ነዳጅህ ልትጠቀምበት ትችላለህ። አንድን ሰው ለማነሳሳት ከፈለግህ ታሪኮችን፣ ዘይቤያዊ አነጋገሮችንና ስሜቶችን እንደ ነዳጅ ልትጠቀምበት ትችላለህ። ኦክሲጅን አቀራረብህ ነው። እንዴት ነው የምትናገረው? (Tone of voice & body language) ንግግርህን ግልጽ ለማድረግ፣ ድምፅህን ለማሰማትና ስሜትህን ለመግለጽ የሚያስችል በቂ ኦክስጅን(expression & enthusiasm) ሊኖርህ ይገባል። በተጨማሪም እንደ ሁኔታውና ከአድማጮችህ አስተያየት ጋር በተያያዘ የኦክሲጅኑን መጠን ማስተካከል ያስፈልግሃል። ለምሳሌ ያህል፣ አድማጮችህ ትኩረታቸው እንደተከፋፈለ ካስተዋልክ ጮክ ብለህ፣ በፍጥነት ወይም በጋለ ስሜት በመናገር ኦክሲጅኑን ልትጨምር ትችላለህ። አድማጮችህ ግራ እንደተጋቡ ወይም ከአቅማቸው በላይ እንደሆነባቸዉ ካስተዋልክ ቀስ ብለህ፣ ቀለል ባለ አነጋገር ወይም ቆም ብለህ ኦክሲጅኑን መቀነስ ትችላለህ። ሙቀት በራስ የመተማመን ስሜትህ ነው ። ንግግርህን የሚያቀጣጠልና የማይረሳ የሚያደርገው ብልጭታ ነው። በተናገርከው ነገር እንደምታምንና በጣም እንደምትወደው ለማሳየት በቂ ሙቀት ሊኖርህ ይገባል ። በተጨማሪም ትኩረትህን የሚከፋፍሉ ነገሮችን፣ እሳትህን ሊያጠፋ ከሚችል ስህተት በመራቅ በንግግርህ ሁሉ ሙቀቱን ጠብቀህ መሄድ ይኖርብሃል። ለምሳሌ ያህል፣ የመንተባተብ ስሜት የሚሰማህ ከሆነ ወይም ትኩረትህ ወደ ማይጠቅም አሉታዊ ነገር ከሄደ ሙቀትህን ልታጣ ትችላለህ። በልበ ሙሉነትና በመረጋጋት ስሜት የምትዋጥ ከሆነ ዓይን ለ ዓይን እየተያየህ፣ ፈገግ በማለት ወይም አካላዊ መግለጫዎችን በመጠቀም ሙቀቱን ልትጨምር ትችላለህ። በጨዋታ እና ንግግር ረገድ የተዋጣልህ ለመሆን እነዚህን ሦስት ነጥቦች ሚዛናዊ በሆነ መንገድ ማከናወንና እርስ በርስ ተስማምተው መሥራታቸውን ማረጋገጥ ያስፈልጋል። ይሁን እንጂ ይህ በአንድ ጀንበር የሚፈጸም ነገር አይደለም ። ልምምድ፣ ዝግጅትና አስተያየት ያስፈልጋል። በአንድ ወቅት እሳት እንደሚያቃጥልህ ወይም አልነሳም እንደሚልህ እወቅ። እናም ምንም ችግር የለውም ምክንያቱም ስኬት ካልሞከርክ ወዳንተ አይመጣም። ስለዚህ ንግግር ለመስጠት ወይም ከሌሎች ጋር ለመነጋገር አትፍራ። በቃላትህ ውብ እና የማይረሳ የሆነ ነገር የመፍጠር አጋጣሚ አድርገህ አስበዉ። በድምፅህ እሳት የማቀጣጠል ጥበብን የምትለማመድ እንደሆነ አድርገህ አስብ ።