ሰላም ኦርቶዶክሳውያን የኔ ጥያቄ ምን መሰላቹ እንደ ሚታወቀው ከነገ ጀምሮ ሰሞነ ህማማት ነው እና በዚህ ሳምንት ሚደረጉና ማይደረጉ ብዙ ነገሮች አሉ።ግን ደሞ አንዳንዴ ሰዎች አይደረግም ሚሉኝ ነገር ምንም ምክኛታዊ አልሆን ይለኛል ለምሣሌ ማማተብ ነጠላ መስቀልያ መልበስ ከዳዊትና ውዳሴ ማርያም ውጪ ሌሎች ፀሎቶችን ማድረስ....ታድያ ይሄ ነገር እውን ስርዓተ ቤ/ክ ነውን? ከሆነ ምክኛቱን ካልሆነ ደግሞ ትክክለኛ ስርዓቶችን ብትነግሩኝ🙏
Apr 08, 2023ልክ ናቸው ወንድሜ ሰሞነ ሕማማት ዘመነ ብሉይ 5500 ዘመን የነበረው የመከራ ጊዜ የሚታሰብበት ነው ይህም ማለት በሌላ አማርኛ ዘመነ ነቢያት ክርስቶስ ገና ይወለዳል ይመጣል እያሉ ትንቢት የተናገሩበት ጊዜ ነው ማማተብ የለም መስቀለኛ ነጠላ መልበስም የለም ለምን ቢሉ በሕማማት ጊዜ ምናስበው መስቀል የቤተ ክርስትያን ትምክህት እና ሰይጣንን ማራቂያ የነበረበትን ሳይሆን የአይሁድ የወንጀለኛ መቅጫ የነበረበትን ጊዜ ነው ለዛም መስቀል አንሳለምም አናማትብም ነጠላም መስቀለኛ አንለብስም ከዳዊት እና ከውዳሴ ማርያም ውጭ ሚደርሱ ፀሎቶች ሚነበቡ መፃህፍት አሉ እነሱም መልክአ ሕማማት ግብረ ሕማማት.. የመሳሰሉት ናቸው ከውዳሴ ማርያምም ማይባሉ ሚዘለሉ አሉ ሌሎች መልክአ መልኮች እና የቅዱሳን ገድላት አይነበቡም ለምን ቢሉ ቅዱሳን የተጋደሉት ስለ ክርስቶስ ነበር ስለ ስሙ ለማዳን ስለ መምጣቱ ሥላ አምላክነቱ... በሰሞነ ሕማማት የነሱ ፀሎት አይደርስም ለምን ቢባል ገና ክርስቶስ ያልተወለደበትን ዘመን ስለምናስብ.... የሳትኩትን ያታመምኩትም ካለ በቀና ልብ እያረማቸሁ አንበቡት እህት ወንድሞቼ🙏🙏🙏
Apr 09, 2023☦በሰሞነ ሕማማት የሚጸለዩት እና የማይጸለዩት ጸሎቶች የትኞቹ ናቸው? ➦ከነገ ጀምሮ የጌታችንን ሕማም የምናስብበት ሰሞን ነው። እንደ ቅድስት ቤተ-ክርስትያናችን ሥርዓት በዚህ በሰሞነ ሕማማት የምንጸልያቸውና ለጊዜው የምንታቀባቸው ጸሎቶች አሉ። 👉 🛐በሰሞነ ሕማማት የምንጸልያቸው ጸሎቶች የትኞቹ ናቸው? ➦በሰሞነ ሕማማት አጥብቀን የምንጸልያቸው ጸሎቶች ውዳሴ ማርያም:ዳዊት: ሰይፈ ሥላሴ:ሰይፈ መለኮት:ድርሳነ ማሕየዊ ውዳሴ አምላክ ናቸው። ➦እመቤታችን ድንግል ማርያም በዚህ በሰሞነ ሕማም በልጅዋ ምክንያት ብዙ እንግልት ስለደረሰባት የእሷን ምስጋና የሆነውን ውዳሴ ማርያም አናስታጉልም። ውዳሴ ማርያም ማመስገኛ መማጸኛ ስለሆነ እንጸልያለን። ምክንያቱም በዚህ በሰሞነ ሕማማት መከራ ተቀብሎ ሞቶ ሕይወቱን የሰጠንን ጌታ በሥጋ ወልዳለችን በውዳሴዋ እናስባታለን። ➦የቅዱስ ዳዊት ድርሰት የሆነው ታላቁ መዝሙረ ዳዊት በትንቢት ክፍሉ ስለ ጌታችን ሕማም ስቃይ እና ሞት የሚናገርና በዳዊት ምስጋና በምድር የሰው ልጆች በሰማይ ቅዱሳን መላእክት ስለሚያመሰግኑ እንጸልየዋለን። ➦ሰይፈ ሥላሴ ከሦስቱ አካላት እግዚአብሔር ወልድን የሚያመሰግን አምላክነቱን የሚመሰክር እና የሚመሰጥር በመሆኑ እንጸልየዋለን። ➦ሰይፈ መለኮት ሙሉ ለሙሉ በሚባል ደረጃ ስለ ምስጢረ መለኮት እና ስለ ጌታችን አምላክነት ስለሚናገር እንጸልየዋለን። ➦ድርሳነ ማሕየዊ በቅዱስ ዮሐንስ ወልደ-ነጎድጓድ የዓይን እማኝነት እና የቃል ምስክርነት የተጻፈና የጌታችንን መከራ ስቃይ እንግልት እና ሞት በልዩ ሁኔታ የሚናገር በመሆኑ ልክ እንደ ውዳሴ ማርየም የየእለት/የየቀን ስላለው ብንጸልየው በዓይነ ሕሊና ቀራንዮ ወሰዶ በነፍሳችን የጌታችንን ሰማያዊ ውለታ የሚስልብንና በመጸለያችን ልዩ ጸጋና ክብር የሚያሰጥ የቃል-ኪዳን ጸሎት በመሆኑ በዚህ በሰሞነ ሕማማት ብንጸልየው እጅጉን እንጠቀምበታለን። ውዳሴ አምላክም የጌታችን ምስጋና በመሆኑ መጸለይ እንችላለን። 👉🛐 በሰሞነ ሕማማት የማይጸለዩት ጸሎቶች የትኞቹ ናቸው? ➦በሰሞነ ሕማማት የማይጸለዩትን ጸሎቶች ጠቅለል አድርገን ስናያቸው ድርሳናት ገድላት እና መልካ መልኮች ናቸው። ይህም የሆነው በሰሞነ ሕማማት ጌታችን ለእኛ ለሰው ልጆች ብሎ የተቀበላቸውን ስቃይ እና መከራ ሞት የምናስብበት እና የምናለቅስበት እንጂ ሌሎቹን በድርሳናቸው በገድላቸው በመልካቸው የምናመሰግንበት ጊዜ ስላልሆነ ነው። ➦በተረፈ በዚህ በሰሞነ ሕማማት ለራሳችሁ ለሀገራችሁ ብቻ አትጸልዩ ለዓለም ሕዝብ ለአሕዛብ በሙሉ ጸልዩ። ምክንያቱም ለእነሱ የመጣ ሰማያዊ ቁጣ በቀጥታም በተዘዋዋሪም ለእኛም ይተርፋልና። እነሱ ሲለበለቡ እኛ መቃጠላችን እነሱ ሲሰበሩ እኛ ወለም ማለታችን እነሱ ሲሞቱ ሞት ደጃፋችን መቆምን በማሰብ ለእነሱም እንጸልይ። የእነሱ መከራ ሲርቅ ነው የኛም የሚርቀው።
Apr 09, 2023ሕማማት ሳምንት 5500 ዓመት ላይ እንዳለን ተደርጎ ነው የሚታሰበው ለዚያ ነው ማማተብ እና መስቀል መሳለም የሌለው ፀሎት ደግሞ ዳዊት ውዳሴ ማርያም ማህሌ ዘ ሰለሞን ሰይፈ ስላሴ ይነበባሉ እማይነበብ ድርሳናትና ገድላት ነው
Apr 14, 2025Paris
Apr 13, 2023ዘመነ ኦሪትን ለማስታወስ ነው እንጂ በሰሞነ ህማማት አይደረጉም የሚባሉት ነገሮች ቢደረጉ ኃጢአት ሆነው አይደለም።
Apr 09, 2023