ሞክሼ የግዕዝ ፊደላት ሞክሼ ፊደላት የሚባሉት አንድ አይነት ድምጽ ያላቸው ነገር ግን በቅርጽ እና በስራቸው የተለያዩ ፊደላት የሆኑ ናቸው በድሮ ጊዜ ግን አባቶቻችን ሀን ከ ሐ ፣ ጸን ከ ፀ... ፊደሎችን በድምጽ አወጣጥ ይለዩአቸው ነበር። እነዚህ ፊደላት በቁጥር ፱(9) ሰሆኑ ሀ ፣ ሐ ፣ ኀ ፣ ሠ ፣ ሰ ፣ አ ፣ ዐ ፣ ጸ ፣ ፀ ናቸው። ሀ ➺ ሃሌታው "ሀ" ይባላል። ◦ሃሌ ሉያ ብለን ስንጽፍ የምንጠቀመው ይህን ፊደል ስለሆነ ሃሌታው "ሀ" ተብሏል። ሐ ➺ ሐመሩ "ሐ" ይባላል። ◦ሐመር ብለን ስንጽፍ የምንጠቀመው በዚህ ፊደል ስለሆነ ነው። ኀ ➺ ብዙኀኑ "ኀ" ይባላል ◦ብዙህ ብለን ስንጽፍ የምንጠቀመው ይህን ስለሆነ ነው። አ ➺ አልፋው "አ" ይባላል። ◦አልፋ ኦሜጋ ብለን ስንጽፍ የምንጠቀምበት ስለሆነ ነው። ዐ ➺ ዓይኑ "ዐ" ይባላል። ◦ዓይኑ ብለን ስንጽፍ የምንጠቀምበት ስለሆነ ነው። ሠ ➺ ንጉሡ "ሠ" ይባላል። ◦ንጉሥ ብለን ስንጽፍ የምንጠቀመው ይሄን ፊደል ስለ ሆነ ነው። ሰ ➺ እሳቱ "ሰ" ይባላል። ◦እሳት ብለን ስንጽፍ የምንጠቀመው ይህን ስለሆነ ነው። ጸ ➺ ጸሎቱ "ጸ" ይባላል። ◦ጸሎት ብለን ስንጽፍ የምንጠቀመው ይሄን ፊደል ስለሆነ ነው። ፀ ➺ ፀሐዩ "ፀ" ይባላል። ◦ፀሐይ ብለን ስንጽፍ የምንጠቀመው ይህን ፊደል ነው። እነዚህ ሞክሼ ፊደላት አንዱ በአንዱ ቦታ መግባት የለበትም ምክንያቱም የትርጉም ለውጥ ያመጣሉ። ለምሳሌ ፦ ➺ ሠረቀ = ወጣ ሰረቀ = ሰረቀ ➺ አመት = አገልጋይ ዓመት = ዘመን ➺ ሰዐለ = ስዕል ሳለ ሰአለ = ለመነ ➺ መሀረ = አስተማረ መሐረ = ይቅር አለ ➺ ኀለየ = አመሰገነ ሐለየ = አሰበ ➺ ፈጸመ = ጨረሰ ፈፀመ = ነጨ ➺ ማኅሌት = ማመስገን ማሕሌት = ማሰብ @GeezMediaCenter Join 👇👇 https://t.me/joinchat/AAAAAEkSiWw7drZxpcxk4Q Comment @kokuha_haymanot_bot 💚 @kokuha_haymanot 💚 💛 @kokuha_haymanot 💛 ❤️ @kokuha_haymanot ❤️