1) ወደ አምልኮተ ሰይጣን የሄደ ሰው ቢመለስ ቄደር ተደርጎለት ንሰሐውን ተቀብሎ መዳን ይችላል። ይሄንን የማድረግ እድሉ ግን ሲበዛ በጣም ጠባብ ነው። ምክንያቱም የሰይጣን ቤት ለሥጋ ይጣፍጣል፥ የምትፈልገውን ነገር ሁሉ ታገኛለህ፣ እውቅናን ገንዘብን ደስታን ተድላን ታተርፋለህ። ከዚ ምቾት መውጣት በጣም ከባድ ነው። እሱን ተወጥቼ እተወዋለሁ ብትል እንኳ ሕይወትህ አዳጋች ሁኔታ ውስጥ ሊገባ ይችላል። ግን እሱ ብዙም አያስጨንቅም፥ ነፍስህ ከዳነ በሥጋ መሞት መቼስ አይቀሬ ነው። 2)ሁሉም ኃጢአት እኩል አይደለም። ጽድቅም ኃጢአትም ልክ እንደሰማይ ከዋክብት ይበላለጣሉ። ህጻናትን የፈጀው የሔሮድስ በደል እና ፈርቶ የዋሸው የጴጥሮስ ኃጢአት በሰማይ ቤት እኩል አይደለም። ነፍሰ ገዳይ መንግሥተ ሰማያትን የማይወርስ እንደመሆኑ እራሱን የገደለ እንዲሁ ጉዱ ነው።