በተቻለን መጠን እዚህ ምድር ላይ ያለውን ስርአት ወደ ላይ ባንወስደው ጥሩ ነው። ሰማይን ምድርን እንደመነሻ አድርገን የምንስል ከሆነ ከፍተኛ ውዥንብር ነው ሚፈጥርብን ። ስለዚህ እዚህ ምድር ላይ ያለው የምልጃ ስራ 3 አካላትን ካልሆነ ደግሞ 2 ሰዎችን ያካትታል። ተበዳይ በዳይን ራሱ ከራሱ ጋር ይቅር ይባባል ዘንድ ሊለምን ይችላል ማንን ? በዳይን። ወይም ደግሞ ሶስተኛ ወገን ሁለቱንም ሊገዛ የሚችል ሰው ይመጣና ወይም ተበዳይ ይሄድና ይህ ሰው በድሎኛል/ በድያለሁ እናም ይለምኑልኝ ሊል ይችላል። እግዚአብሔር ወልድ ኢየሱስ ክርስቶስ ሁልጊዜ 24/7 በአብ ፊት ተደፍቶ ይህን ሊያደርግ አይገባውም ። አንዴ አድርጎታልና ። የእርሱ ሕያው ሆኖ በአብ ቀኝ መኖር ለእኛ ለመዳን ምክንያት ፣ ለተስፋችን መልሕቅ እንዲሁም የኃጢአት ይቅርታ የምናገኝበት ነው። ለምሳሌ ጌታችን ኢየሱስ ሊቀ ካህን እንደ ሆነ መጽሐፍ ቅዱሳችን ይነግረናል። እንግዲህ በምድር የነበሩት ካህናት በመጀመርያ ራሳቸውን ከዚያም ሕዝቡን ይቀድሳሉ ። ጌታችን ግን ይህን አያደርግም ኃጢአት አያውቀውምና ። ሌዋውያን መስዋእትን ዘወትር በመሰውያው ይሰዉ ነበር ። ጌታችን ግን ይህን እለት እለት አያደርግም ። በገዛ ደሙ አንድ ጊዜ ዋጅቶናልና ። ይህ መልስ እንደሚረዳህ ተስፋ አደርጋለሁ