ቤተሰቦችህ ማድረግ የማይችሉት ነገር ከሆነ እራስህንም እነሱንም አታስጨንቅ። የሰው ልጅ ደስተኛ ሆኖ የሚኖረው ባለው ነገር ሲብቃቃ ነው። የሰውን አትይ። ፈጣሪ የሰጠህንና ያገራልህን ተመልከት። ምናልባት አንተ ያለህ ነገር ሌላው የሚቀናበትና "ምነው የሱ በኖረኝ" ብሎ የሚያስብ ይሆናል። አንተ የፈለግካቸውን ነገሮችም የከለከለህ ምናልባት ላንተ መጥፊያህ ሆኖ ይሆናል። ምሳሌ.. አንድ የቅርብ ዘመድ ነበረኝ። እኩያዬ ወጣት ነገር ነው። ለመዝናናት ጀርመን ሄዶ ለዋና ውሃ ገንዳ ውስጥ ገባ። ግን ነፍሱ ላይመለስ ሄደ። ውሃው ውስጥ ሰጠመ። እዛው በቅርበት አባቱ ነበር። ግን ከላይ ተወስኖበት ኖሯል ከሞተ በኋላ አየው። ኢትዮ ያለች እናቱ ከሱ በፊት ሌሎች 2 ወንድሞቹን ቀብራ ስለነበር ይህኛው ሲጨመር ማበድ ነበር የቀራት። ሌላ በዜና መልክ ያየሁት.. አንድ አስራዎቹ ቤት ያለ ልጅ በጣም ረጅም ለሆነ ሰአት ያህል ያለ ምግብና ውሃ (ጨዋታው አስረስቶት መሆኑ ነው) ጌም ሲጫወት ቆይቶ ቤተሰብ ክፍሉ ገብቶ ቢያየው እሬሳው ተገኘ። ስለዚህ አንተ ያጣኀው ወይም የሌለህ ነገር ላንተ መጥፊያህ የነበረ ነገር ይሆናል። ሰላምህን በእጅህ እንዳትሸኘው። ጣጣህንም በእጅህ እንዳታመጣው። ባለህም በሌለህም ነገር አመስግን። ማግኘት የምትፈልገውንም በራስህ ጥረት አሳካ። አይዞህ..