እንደ ተርጓሚው መባል የሚችል ዓይነት ነገር ቢሆንም እኔ እንደ ተረዳሁት ብዙ ሃይማኖትን ወደ አንድ የመጨፍለቅ ነገር ሆኖ ይታየኛል። በስተኋላ ያለው ጸዳል ቅድስናን ያመለክታል ልብሱ ቀስተደመና ነው - ቀስተደመና የፈጣሪ ቃልኪዳን ምልክት ቢሆንም አሁን አሁን ዓለም ትርጉሙን ለውጠዋለች። አንገቱ ላይ ያለው☯ ምልክት- የታዖዝም እምነት አርማ ነው። ቶ መስቀል- እሱ ደሞ ስሙ Osiris የሚባል የግብጽ አማልክት አርማ ሲሆን የፍጹምነት ምልክት ነው። ኦሲሪስ ምንም ያህል ከግብጽ አፈታሪክ አንዱ ይሁን እንጂ የሱ አፈታሪክ የክርስቶስን ፍጹም ሞትና ትንሳኤ የሚሰብክ ሆኖ ስለሚገኝ ግብጻውያን ጣዖትን ጥለው ክርስትናን በተቀበሉበት ጊዜ ይህንን መስቀል የክርስቶስ ፍጹምነት አርማ አርገው ይቀበሉታል። የሰው መልክ ያለው አካልና እጁ- መልኩ ከሦስት ገጽ መሆኑ በመጀመርያ የታየኝ ሥሉስ ቅዱስ ነበር ግን 3ተኛው ዓይን ሊሆንም ይችላል። እጁ ላይ ያለው እሳት- መለኮትን ይገልጻል። በእሳት የሚውለበለብ ልብ- በሃገራችን ባላውቅም በምዕራቡ ለክርስቶስ ይጠቀማሉ። በመጨረሻ ላይ ግን- ልቡ ውስጥ የኢሉሚናቲ ምልክት አለ። ዳር ላይ ሁለት በሶስት ማእዘን ቀይና ሰማያዊ ሆነው ያሉትን ግን ማወቅ አልቻልኩም። Anyways, መልኩ Hendrix የሚባል የአሜሪካዊ አቀንቃኝ መልክ ነው።