ሰላም ሰወች እሄ መስቀል ካልተሳሳትኩ የ ዳዊት መስቀል ነው ሚባለው መሰለኝ ምታቁትን ንገሩኝ ስለዚህ መስቀል እና የት እንደሚሸጥ
ሌሎች ሚስጥራት እንደ አይምሮ መጠን እንደ ልብ ዝግጅት እንዲሁም እንደ ሚስጥር ጠባቂነት የሚገለጽ ነው። ሌላ ሌላውን እንለፈው። ማወቀረ ያለብን ግን የአስተምህሮት መንግድና የጥበብ መንገድ እጅግ እንደሚለያዩ ነው። ዕውቀት እና ጥበብ ይለያያሉ። በተራ እውቀት ጥበብን አትጋፉ ጥበብ ክርስቶስ ነውና ሳታውቁት ከዓለት ትጋጫላችሁ። ማህተብህን አደርግአደርግነ ሲሆን በፍቅር መከራውን አስበህ እንጨት ወጥ መስቀል ብታረግ እሰየው ይህን ካላረኩ ሞቼ እገኛለው ብሎ ማለት የለብህም ይህን ብታረግም ክፋት የለውም ያ ግን ይበልጥ ይረዳሀል አንዳንዶችም ካለማወቅ ከሚሰናከሉ ያንኑ አድርግ።
Jun 13, 2022የቀጠለ። ይህም የሚያሳየው ምልክቱ ስለጠፈር የያዘው ሚስጢር እንዳለ ነው። ከዚህም በተጨማሪ መሀል ላይ መስቀሉ ሲጨመር የመስቀሉን ብርሃናማነት [ፀሐይነት] ያሳያል።ላመኑበት መስቀል ብርሃን ነው።ላመኑበት መስቀል የሀይል ምንጭ ነው።ከዚህ በተጨማሪ ምልክቱ ለኢትዮጵያ የትንሳኤዋ አርማ ነው። በትንቢት እንደሚነገረው ይህ ኮከብ በመጨረሻው ዘመን ይመጣል ተብሎ የሚጠበቀው ሳልሳዊው ቴዎድሮስ ሲወለድ በኢትዮጵያ ሰማይ ላይ እያበራ በመታየት የትንሳኤዋን ብስራት ያውጃል ተብሎም ይነገራል...። ይሄን የሰማው ካሣ ኃይሉ የንግስና ስሙን ዳግማዊ ቴዎድሮስ በማለት ኮከቡን የአንገቱ ማዕተብ ላይ አድርጎት ነበረ ታሪክ ያወሳል ። የጀግኖቹ የሽልማት ኒሻን ሁኖም ነበር።ኮከቡን በሚገባ ተጠቅመውበታል ተብለው በታሪክ መዛግብት የሚጠቀሱት ዳዊትና ልጁ ሰሎሞን ናቸው። በተለይ ሰሎሞን 1-የአእዋፋትን ቋንቋ ለመስማት 2- የእንሰሳትን ቋንቋ ለመስማት 3-ሰይጣንን ለማሰርና 4-መናፍስትን ለማዘዝ ይጠቀምበት ነበር። .በአጠቃላይ ግን ይህ ኮከብ 1-የጥንቱን የአሁኑን እና የወደፊቱን ክስተት ሚስጢር ገላጭ 2-የደኅንነት አርማ። የእግዚአብሔርንና የሰውን በመስቀሉ መታረቅ የሚገልፅ የፍቅርና የነፃነት አርማ ነው። ወደ ላይ የሚያመለክተው ሶስት መዓዘን ሰማይን ሲወክል ወደታች የሚያመለክተው ደግሞ ምድርን ይወክላል።መስቀሉ ሰማያዊዉንና ምድራዊውን ሶስት መዓዘን ማገናኘቱ በመስቀሉ ሰማያዊያንና ምድራዊያን መታረቃቸውን ያሳያል። 3-አእምሮን ያጎለብታል።[መጠናት ያለበት ጉዳይ ነው ።መረጃውን ያገኘሁት Element encyclopedia of secret signs and symbols ከተሰኘው የAlede Nozedar መጽሐፍ ነው።] 4-ሁሉም አጽናፈ ዓለማት በመስቀሉ ስር እንደሆኑ ያሳያል። እነሱም፦ ሰሜን፥ ደቡብ፥ ምስራቅ፥ ምዕራብ፥ አዜብ፥ መስእ፥ ባሕርና ሊባ ናቸው። ለተጨማሪ የተክለ ጻድቅ መኩሪያን መፅሀፍ ማንበብ ቻላል፡፡
Jun 13, 2022አመስግናለሁ ስላካፈልከኝ ነገር
Jun 13, 2022የጥበብን መስመር ሳታውቁ ለምትቀላምዱ በጥቂቱ። ባለስድስት ቀንድ ኮከብ የሰለሞን ማኅተም፥ የዳዊት ኮከብ [የዳዊት ጋሻ]፥ የቴዎድሮስ ኒሻን፥ የላሊበላ ጌጥ፥ የአክሱም ጌጥ፥ የፋሲል ጌጥ፥ የይምርኀነ ክርስቶስ ጌጥ (ማኅተም) በመባል ሲጠራ አብዛኛውን ጊዜ ግን የሰለሞን ማኅተም አለያም የዳዊት ኮከብ በመባል ይታወቃል።የዚህ ኮከብ አመጣጥ እንዲህ ነው፦ በመጽሐፍ ቅዱስ ውስጥ ከሚደጋገሙት ክስተቶች ውስጥ የኮከብ መታየት አንዱ ነው። ለምሳሌ ሙሴ ሲወለድ ፥ ሰለሞን ቤተመቅደስ ሲሰራና ክርስቶስ ኢየሱስ ሲወለድ የታየው ኮከብ ለአብነት ተጠቃሽ ነው። ይህ ሰለሞን አርማው አድርጎ በምኩራባት እንዲሰቀል ያዘዘው የኮከብ ቅርፅና በአገራችን ለብዙ ዘመናት የቆየው የሰሎሞናው ሥርወ-መንግስት እንደአርማ ይጠቀምት የነበረው ኮከብ ንጉሥ ሰሎሞን የቤተ መቅደሱን መስሪያ ቦታ በፈለገ ጊዜ ከላይ በሠማይ እያበራ የቤተመቅደሱን መሥሪያ ሥፍራ የጠቆመው ኮከብ ነው ነብየ እግዚአብሔር ንጉሥ ዳዊት የቤተ መቅደሱን መስሪያ ቦታ የሚጠቁመውን በራዕይ ያየውን የኮከብ ቅርፅ ስሎ ቤተ መቅደሱን እንደሚሰራ አስቀድሞ ለተነገረለት ልጁ አስቀምጦታል። ልጁም ስዕሉን ተጠቅሞ ኮከቡን ከከዋክብት ለይቶ ባየው ጊዜ ኮከቡ ባበራለት ሥፍራ ላይ ቤተመቅደሱን ሰርቷል።ወደአገራችን ስንመጣ ደግሞ የካም ዘሮች የደሸት ልጆች በታላቁ ወንዝ በግዮን (አባይ)ዳርቻ በሚዋኙበት ጊዜ ምስለ ፍቁር ወልዳንና ይሄንን ባለስድስት ጫፍ ኮከብ በግዮን ውኃ ላይ ተስሎ እንዳዩትና ከዛን ጊዜ ጀምረው የኮከቡን መውጣት በልጅ ልጆቻቸው እየተቀባበሉ በተስፋ ይጠብቁት እንደነበር የታሪክ መዛግብት ላይ እናገኘዋለን። የካም ልጆች (ኢትዮጵያዊያን) የዚህን ኮከብ በሰማይ መገለጥ ሲጠባበቁ ከኖሩ በኋላ መድኅን ዓለም ክርስቶስ በተወለደ ጊዜ ኮከቡ በሰማይ ላይ ሲያበራ በመመ ልከታቸው ከአባቶቻቸው ጀምረው ይጠብቁት የነበረው ትንቢት እንደደረሰ በማወቅ ኮከቡን ተከትለው ቤተልሔም ድረስ በመሄድ በከብቶች በረት ለተ ወለደው ለወልደ እጓለ እመሕያው እጅ መንሻ እንደሰጡ በመጽሐፍ ቅዱሳችን ላይ ተጽፎልናል።የዚህ ኮከብና የኢትዮጵያዊያን ግንኙነት የሚጀምረው ከ ሰሎሞናዊው ስርወ መንግስት አስቀድሞ የኖኅ ልጅ ካም ከቤተሰቦቹ ጋር ወደ ኢትዮጵያ ከመጣበትና ኮከቡን በግዮን ውኃ ላይ ከተመለከቱበት ጊዜ ነው።እንግዲህ ከላይ ለመዳሰስ እንደሞከርኩት የእሴይ ልጅ ዳዊት የቤተመቅደሱን መሥሪያ ሥፍራ የሚያመለክተውን ኮከብ በትንቢት ካየ በኋላ በዙፋኑ፣ በጋሻውና በምኩራቦቹ ሁሉ እያስቀረፀ አስቀምጦታል። የእርሱ ልጅ ሰሎሞንም በተመሳሳይ ኮከቡን በንግስና ዙፋኑና በሌሎች ቦታወች ሁሉ ላይ ማስቀረጽ ጀመረ። ኢትዮጵያዊቷ ንግስት ማክዳ (ንግስተ ሳባ ወይም ንግስተ አዜብ) የሰሎሞንን ጥበብ በሰማች ጊዜ በእንቆቅልሽ ልትፈትነው ከብዙ እጅ መንሻ ጋር ወደ ሀገረ ኢየሩሳሌም ተጓዘች። በእንግድነቷም ጊዜም ከንጉስ ሰለሞን ጸነሰች። የእስራኤል ቆይታዋን አጠናቅቃ ስትመለስም ንጉስ እብነመለክ/አቤሜሌክ ወይም ቀዳማዊ ምንሊክን ወለደች። ንጉሥ ምኒልክ እድሜው በሃያዎቹ መጀመሪያ በሆነ ጊዜ አባቱን የእስራኤልን ንጉሥ ሰለሞንን ጎብኝቶ ወደ ኢትዮጵያ ሲመለስ ብዙ ሌዋውያን ካህናትንና ታቦተ ጽዮንን ከብዙ አጃቢ አይሁዶች ጋር ይዞ መጣ። ከዚህም በኋላ ምንሊክ በኢትዮጵያ በነገሰ ጊዜ ቀድሞ በእናቱ ዙፋን ላይ ተቀርጾ የነበረውን የዘንዶ ምስል በማጥፋት ከአባቱ ያገኘውን የኮከብ ምስል በዙፋኑና በእቃዎቹ እንዲሁም በጋሻውና በቤተመቅደሶች ሁሉ ላይ ቀረጸ።ከዚህም በኋላ ዘራቸው ከሰለሞን የሚመዘዝ የሰሎሞናዊ ሥርወ ንግስት ነገስታት ሁሉ ይህን ኮከብ እንደአርማ ይጠቀሙበት ነበር። ይህን ይመስላል ምስሉ ላይ እንደሚታየው እያንዳንዳቸው የኮከቡ ጉጦች (ጫፎች) የተወከሉበት ቁጥር አላቸው። ቁጥሮቹም በሁለንታ ውስጥ የሚገኙትን ፈለኮችን ይወክላሉ። ይኸውም፦1=ጨረቃ2=ቤነስ3=ሜርኩሪ4=ሳተርን5=ማርስ6=ጁፒተር7=ፀሐይ ተብለው ይሰየማሉ።
Jun 13, 2022አይሁዳዊ ከሆንክ ቆርጠህ አይሁዳዊ ሁን። ክርስቲያን ከሆንክም ቆርጠህ ክርስቲያን ሁን። በአንገት ማእተብ መጥለቅ ያለበት መስቀል እንጂ የዳዊት/የሰሎሞን ኮከብ አይደለም። ባሁን ሰዓት ይህ ኮከብ የአይሁዳውያን የኩራት ምልክትና አርማ ነው።
Jun 13, 2022አመስግናለሁ ሳይረፈድቡኝ ስላሳወከኝ
Jun 13, 2022