ከላይ ያሉት እንደነገሩህ ሆኖ ኢብኑ ከሢር መርከዝም ብትሞክር ደግ ነው። ትንሽ ጠንከር ማለት ይኖርብሃል። ተማሪዎች ከብዙ ቦታ ስለሆነ የሚመጡት ተወዳድረህ ነው የምትገባው፣ ምግባቸውም ጥሩ ነው። ኡስታዞቻቸውም በሰል ያለ እውቀት አላቸው። የእድሜ ገደብም አለው። ቁርአን በደንብ በአይን (ነዘር) የቀራህ ከሆነ እና እድሜህ በተሰጠው ገደብ ከሆነ መርከዙ ባያልፍህ ጥሩ ነው። እኔ የቀራሁበት መርከዝ በወር 1000-2500 ከፍለን ነው የተማርነው የዛሬ 10 አመት አካባቢ። አሁን እስከ 4000-5000 ይሆናል። ግን ኢብኑ ከሲር በነፃ እያስተማረ እንኳ ይበልጣቸዋል። በክፍያ አልፈልግም ስላልከኝ እንጂ ብዙ መራኪዞች ነበሩ። መስጂደል አንሷርም (አየር ጤና) ክፍያ ይኑረው አይኑረው ባላውቅም እዚያ ሄደህ መጠየቅም ትችላለህ። እዚያ የሚለየው ጥሩ እና ስመ ጥር ሸይኾች አሉ። ጎበዝ ደረሳ ከሆንክ አየር ጤና እውቀት በጣም በሽ ነው። እነ መሐመድ ፈረጅ፣ ሸይኽ ዶ/ር ጀይላኒ ... ሌሎችም አሉ። የሚፈለገው ራስህን ለሄድክበት አላማ መስጠት ነው። ከዱንያ ህይወት ወጥተህ ለዲንህ ብቻ ቦታ ሰጥተህ ከተማርክ የትም ቅራ ቁርአኑ ገር ነው። አላህ ቁርአንን እንዳገራልን በተለያዩ የቁርአን አንቀፆች ነግሮናል። ይህን አምነህ ግባበት። እኔ በቀራሁበት መርከዝ የ 6 አመት ልጅ ሀፍዞ በቁርአን ውድድር ከኔ በኋላ 2ኛ ወጥቷል። ቁርዐን ገር ነው። እንደሌሎች መፃህፍት የተንዛዛ ነገር የለውም። አላህ ያበርታህ!