ጥያቄ ለክርስትያኖች:- 2ኛ ወደ ቆሮንቶስ ሰዎች 1:3 የርኅራኄ አባት የመጽናናትም ሁሉ አምላክ የሆነ የጌታችን የኢየሱስ ክርስቶስ አምላክና አባት ይባረክ። እዚህ ጥቅስ ላይ አምላክ እንዳለው ወይም ሌላ አምላክ እንዳለ እያሳየን ነው ስለዚህ ሁለት አምላክ ነው ያለው ወይንስ እየሱስ ጌታ ሲባል አለቃ ወይም መምህር ለማለት የአክብሮት ነው?
May 08, 2022በረከቱ በኛ ላይ ትደርና ሊቁ ቅዱስ ዩሐንስ አፈወርቅ በትርጓሜው እንዲኅ ይለናል። #እነሆ ርሱ ጳውሎስ አብን አምላኩ ለክርስቶስ አለው በውኑ ወልድ ክርስቶስ በክብር ከአባቱ ያንሳልን ? ከአብስ አያንስም ደፍሮ ይኽነን የሚናገር ማንም ሰነፍ የለም መጽሐፍ ለአባቱ አንድ ልጅ እንደመኾኑ እንደ አባቱ ክብር ያለ ክብሩን አየን ያለ አይደለምን (ዩሐ 1.14/ 14:8-11 / 1ቆሮ 12 .3 ) ነገር ግን እርሱ በዚኽ ክርስቶስ በእውነት ሰው እንደኾነ አስረዳን ዳግመኛም በተነሣ ግዜ ከዚኽ አዳም ባሕርይ ሰው መኾኑን አስረዳ ፈጽሞ ከርሱ ወደአልተለየው ወደ አብም ከማረጉ አስቀድሞ ለደቀመዛሙርቱ አምላኬ አምላካችኁ አለ ይኽንን በሰሙ ግዜ ይኽን የተናገረ ሥጋ ብቻ እንዳይመስላቸው ሰው የኾነ ርሱ እግዚአብሔር ቃል አስቀድሞ አቡየ ብሎ ከዚኽ በኄላ አምላኪየ አለ እንጂ (ዮሐ 20:17) እኔ ሰው የኾንኁ አምላክ ነኝና እኔም አንድ ነኝና ይኽነንም ያነንም እኔ እላለኁ ይላል። የሰውን ባሕርይ ገንዘብ አድርጌያለኹና ኀጢአት የሌለበት ርሱ እኔ ነፍስን ሥጋን በእውነት ተዋሐጄ አለኹና ከእኔ ጋር አንድ አካል አንድ ባሕርይ ላደረግኹት ለሥጋ ሥርዐት እንደሚገባ እንዲኽ አባቴን አምላኪየ ብዬ ጠራኹት ይላል ስለዚኽ አንድ ሥርዐትም ሐዋርያ አምላኩ አለ በዚኹ ሥርዐትም ጌታ ይለው ዠመረ ጌታችን ኢየሱስ ክርስቶስ አለ ሰው የኾነ አምላክ እንደኾነ መናገሩ ነው የክብር ባለቤት አለ እግዚአብሔር የሰጠንን ጸጋ ክብር ስብሐት አለው እንዲኹ የምሕረት መገኛ የፍጹም ክብር ባለቤት ባለጊዜም እግዚአብሔር ለኛ ያደረገልንን የቸርነቱን ብዛት በዚኽ ክፍል እንዲኽ አስረዳን።
May 09, 2022የጌታችን ኢየሱስ ክርስቶስ አምላክና አባት ይባረክ ኤፌ 1:3 የጌታችን ኢየሱስ ክርስቶስ አምላክና አባት ይባረክ ኤፌ 1:3 ይሄ ጌታችን ኢየሱስ ክርስቶስ ፍፁም ሰው ፍፁም አምላክ መሆኑን የሚገልፅ ቅዱስ ቃል ነው፡፡ወልድ በሰውነቱ ለተዋሐደው /ለለበሰው / ሥጋ አብ አምላኩ ነው / የፍጡርን ሥጋ በመዋሐዱ ተርቧል ተጠምቷል አብን አምላኬ ብሏል/ ስለዚህ ቅዱስ ጳውሎስ የኢየሱስ ክርስቶስ አምላክ ብሎ አብን አምላኩ አለው፡፡ የአብ የባህሪ ልጁ በመሆኑ ደግሞ አባቱ አለው/ በመልክ የሚመስለው በባህሪ የሚተካከለው አንድያ ልጁ መሆኑን ልብ ይሏል/፡፡ በመልእልተ መስቀል ላይ ተሰቅሎ ሳለም ” አምላኬ አምላኬ ለምን ተውከኝ “ብሎ ተናግሯል ፡፡ማቴ 27:46፡፡ይሄ ፍፁም ሰው መሆኑን የሚገልፅ ነው :ለለበሰው /ለተዋሐደው/ ሥጋም ክርስቶስ ራሱ አምላክ ነው፡፡ለተዋሐደው ሥጋ አብ አምላኩ በመሆኑ አምላኬ ብሎ ተናግሯል፡፡ይሄ ቃለል ኢየሱስ ፍፁም ሰው መሆኑን የሚያጠይቅ ነው፡፡ማለትም እንደእኛ አምላኬ የሚል የሚራብ የሚፀልይ የሚጠማ የሥጋን ባህሪ ገንዘብ በማድረጉ ነው፡፡በትንሳኤው ጊዜመም ለማርያም መቅደላዊት ተገልፆላት እንዲህ ብሏት ነበር “ወደአምላኬና ወደአምላካችሁ ወደአባቴና ወደአባታችሁ አርጋለው……”ዮሐ20:17 ወደአባቴ ማለቱ እግዚአብሔር አብ የባህሪ አባቱ መሆኑን ለመግለፅ : አምላኬ ማለቱ ደግሞ እግዚአብሔር አብ ለተዋሐደው ሥጋ አምላኩ መሆኑን ለመግለፅ አምላኬ አባቴ በማለት ተናግሯል፡፡ እግዚአብሔር አብ ለኢየሱስ የባህሪ አባቱ ለእኛ ደግሞ የፀጋ አባታችን ነው፡፡ስለዚህ ጌታ ኢየሱስ ከመቅደላዊት ማርያም ጋረር ባረገው ንግግር የርሱ ልጅነትና የኛ ልጅነት ልዮነት እንዳለው ለመግለፅ ወደአባታችሁ እነና ወደአባቴ በማለት ገልፆላታል፡፡ስለዚህ አባቴ ማለቱ የባህሪ /በመልክ የሚመስለው በባህሪ የሚተካከለው / ልጁ መሆኑን አምላኬ ማለቱ ደግሞ ለተዋሐደው ሥጋ አብ አምላክ መሆኑን ለመግለፅ ነው፡፡ ካረገ በኋላ በአብ ቀኝ በመቀመጡ የኢየሱስ ክርስቶስ አምላክና አባት ይባረክ በማለት ቅዱስ ጳውሎስ ለኤፌሶን ክርስቲያኖች ፅፎላቸዋል፡፡ምክንያቱም ኢየሱስ ክርስቶስ አሁንም የተዋሐደውን ሥጋ ሳይተው በአብ ቀኝ በመቀመጡ ነው/ አሁንም በሰማያት ፍፁም ሰው ፍፁም አምላክ ሆኖ ነው ያለው፡፡የተዋሐደውን ሥጋ በመቃብር ትቶተት በቢነሳ ኖሮ ወደአምላኬ ወደአምላካችሁ አይልም ነበር፡፡እንዲሁም የተዋሐደውን ሥጋ በምድር ትቶ ቢያርግ ኖሮ የኢየሱስ ክርስቶስ አምላክ አይባልም ነበር ከርገቱ በኋላ፡፡ዳግም ለፍርድ የሚመጣውም የተወጋ ጎኑ የተቸነከረ እግሩ እያሳየ ነው፡፡”እነሆ ከደመና ጋረር ይመጣል የወጉት ሁሉ ያዮታል””ራዕ1:7 ምክንያቱም ኢየሱስ ፍፁም ሰው ፍፁም አምላክ ነው፡፡አንድ ጊዜ መለኮትና ሥጋ በክርስቶስ ተዋሕደው ይኖራሉ፡፡የመለኮትና የሥጋ ተዋሕዶ በእኛና በእግዚአብሔር መካከል ላለው ህብረት ማሰሪያ ነው፡፡ተዋሕዶ ዘላለማዊ እንደሆነ ሁሉ ከእግዚአብሔር ጋር ያለን ህብረት ዘለአለማዊ ነው፡፡ ስለዚህም የኢየሱስ ክርስቶስ አምላክና አባት ይባረክ የሚለው ቃል ኢየሱስ ፍፁም ሰው ፍፁም አምላክ እንደሆነ የሚገልፅ ቃል ነው፡፡ኢየሱስ ፍፁም ሰው ፍፁም አምላክ መሆኑን ያልተረዱ ሰዎች አምላኩ አባቱ የሚል ቃል ይዘው በጥሬው ሊረዱና ሊተረጉሙ አይችሉም፡፡ስለዚህ ወደ ሰማይ ቀና ብለን ስንመለከት ከሶስቱ አካላት አንዱ አካል የእኛን ሥጋ የተዋሐደ ዘመዳችን ነው፡፡
May 09, 2022
Ezi gar explanation tagegalek what he intended to say