ባልንጀራህን እንደ ራስህ ውደድ/የባልንጀራህን ንብረት አትመኝ የሚለው የእግዚአብሔርን ሕግ ማሰቡ መልካም ነው። ሕግ ፍቅረ እግዚአብሔርና በፍቅረ ቢጽ ይፈጸማል በመሆኑም አስቀድሞ ባልንጀራው ወዳጁ ከሆነ ሰው ጋር የፍቅር ግንኙነት የነበረሽ ከሆነ በቀጣይ አሁን አፈቅረዋለው ከምትይው ሰው ጋር ለመሆን እጅግ ከባድ ነው በተለይ #ላፈቀርሽው ሰው። አንቺን ባየ ቁጥር የሚያስታውሰው ወዳጁን ነው ። ራስ ወዳድ አትሁኚ። ልጁ ትክክለኛ ውሳኔን ወስኗል ይህ ውሳኔው ለሱ ሕሊና እረፍት ላንቺም ወደፊት ከሱ ጋር ይኖረኛል ብለሽ ለምታልሚው ህልም ሰላም ሰጪ ነው። አንዳንድ ትክክለኛ ውሳኔዎች ከባድ እና ሕይወትን ባልተመለከትንበት አቅጣጫ የሚዘውሩ ናቸውና የልጁን እምቢታ እንደ በጎ ገፀበረከት አሜን ብሎ መቀበል የግድ ያስፈልጋል። #ተይው። መተው ማለት መርሳት ማለት ግን አይደለም። መተው ማለት በጎን ነገር ተምሮ ማለፍና ልብን የተሻለ አፍቃሪ ማድረግ ማለት ነው። የተሻለ አፍቃሪ ማለት አሁን ለልጁ አለኝ ከምትይው ፍቅር በላይ አስቀድሞ ራስሽን መውደድ በዚህም ደሞ የተሻለና ደስተኛ ሕይወት እንደሚገባሽ በማመን ለራስ ካለሽ ፍቅር በላይ ሌላን ሰው መውደድ ማለት ነው። #ተይው እህቴ