ሱፍያ እና ሰለፊያ መሃል በጣም ብዙ መመሳሰል አለ። ከሁሉም ግን ሁለቱም ሙስሊሞች ናቸው በአንድ አላህ የሚያምኑ የሰው ልጅ ሁሉ ቁንጮ ሰው የሆኑት ነብዩ መሃመድ(ሰ.ዐ.ወ) ደግሞ የአላህ መልዕክተኛ መሆናቸውን ማመን። የሚጠቀሙት አንድ ቁርዓን እና የነብዩ መሃመድ(ሰ.ዐ.ወ) አስተምህሮትን የህይወታቸው የመኖሪያ ህግ አድርገው ነው። በሁለቱ መሃል ያለው ልዩነት ይህን አስተምህሮት የተረዱበት ሰውኛ ማንነታቸው ብቻ ነው። ለምሳሌ አንድን ሰው ስትወደው መውደድህን የምትገልፅበት መንገድ ላንተ ፍፁም ልክ የሆነው ለሌላው ጓደኛህ ደግሞ በትንሹ ይሆናል ልክነቱ። በቃ ይህ ነው ልዩነታቸው። መውሊድ ማለት የነብዩ መሃመድ(ሰ.ዐ.ወ) የልደት ቀን ነው። ሁሉም ሙስሊም ስራው በአላህ ዘንድ ተቀባይነት እንዲያገኝ በዋናነት ሁለት መስፈርቶች አሉ። 1-ስራን ለሰው ታይታ ሳይሆን ለአላህ ብቻ ብሎ ጥርት አድርጎ መስራት(ኢኸላስ) 2-የነብዩን አስተምህሮት, ድርጊት እና የሳቸው ባልደረቦች ሲሰሩት አይተው ይሁንታን የሰጡትን ነገር ብቻ ተከትሎ መስራት(ኢቲባዕ)። ከእነዚህ ውጪ በሆነ መንገድ ስራው ምንም እንኳን መልካም ቢሆንም ተቀባይነቱ የራስ ፈጠራ ነውና ከላይ በገለፅጉበት ሁለት መስፈርቶች መሰረት ውድቅ ይሆናል። መውሊድ ደግሞ ነብዩ በህይወት እያሉ ነብዩ ራሳቸውም ባልደረቦቻቸውም አላከበሩትም። ከነብዩም ህልፈት በኋላ የሳቸው ባልደረቦች አላከበሩትም። ስለዚህ ይህ የሚያሳየን ከብዙ ጊዜያት በኋላ የመጣ የነብዩን ውዴታ መግለጫ ተደርጎ ነው እየተከበረ ያለው። ስለዚህ ሁለቱን መስፈርቶችን አያሟላምና አንድ ነብዩን(ሰ.ዐ.ወ) የሚወድ ሰው ይህን እሳቸውም ባልደረቦቻቸውም ያላደረጉትን ወይም አድርጉ ብለው ያላዘዙትን ማድረግ የለበትም።