በልብ ማለት ስለረሳ በአይምሮ የሚልሽን ትተን በነፍስ በመንፈስ በአካል አንድ መሆናችን ነው ዋናው ያለሽን ነገር በግሌ ስመለከተው ሰዎች በዚህ በሶስት አካላት ከተዋሀዱ ፍቅራቸው ዘላቂ ግንኙነታቸው በቀላሉ የማይበጠስ ታላቅ ኃይል ያለው ግንኙነት እንደመሆኑ በራሱ የሚያፈራው ፍሬ ይኖራል።ልጅ የአካል አንድነት ውጤት ነው የመንፈስ ስብጥር ነው በመሆኑም ተጋብቶ መውለዳችሁ ይህን ጥምረት ይበልጥ የሚያጠነክር እንጂ ልዩነትን የሚፈጥር ነገር አይደለም። ትዳርም እንዲሁ እነዚን 3አካላት የነፍስ የስጋ እና የመንፈስን ወዋሀድ የሚያጸና እንደመሆኑ ትዳርን መሸሽ ለኔ ምንም ለማግባት ችግር ከሌለበት ሰው የማይጠበቅ ቃላቶቹም ተራ የቃላት ድርደራ እንጂ ከልብ እና ከአይምሮ ያልተዋሀዱ እውነቶች እንደሆኑ የምረዳበት ነገር ነው። የሆነ ሆኖ እሱ ሲፈላሰፍ አንቺም ጥሩ ፈላስፋ መሆን ስለሚኖርብሽ ለባልሽ ፍልስፍና ቅድም ያልኩሽን አጽኚለት አላማውን ጠይቂው እስከመቼ እንዲ እንደምትቀጥሉ ምን እንዳሰበ እነዚን በዝርዝር ጠይቂው እሱ ወንድ ልጅ ነው አንድ ቀን ቢሸና ሊያስረግዝ ይችላል ላንቺም ሥላሴ በእርጅና እድሜሽ ሊሰጡሽ ይችላሉ እሱን እኔ አላውቅም የማውቀው ግን ጋብቻ መልካም ፍሬውም ጣፋጭ መሆኑን ይህም ደግሞ እግዚአብሔርን በመንዘላዘል ላለማሳዘን የተሰራ ስርዓት በመሆኑ ቀጥ ለጥ ብሎ እንዲያገባሽ ሳትልመጠመጪ ንገሪው። ካልሆነ ትንሽ ግዜ ራቂው በሀሳብሽ ተስማምቶ መምጣቱ አይቀርም ከቀረ ድሮም ሲያጭበረብርሽ እንደሆነ ተረድተሽ ባል እንዲሰጥሽ ፈጣሪን ለምኚ።