በክርስትና እግዛብሄር ለአዳም ከልጅ ልጅህ ተወልጄ አድንሀለው ብሎታል ይባላል ለዚ ንግግር ከ መጽሀፉ ቅዱስ መረጃ የለም! አለ እምትሉ ከሆነ መረጃውን ብታቀርቡልኝ?
Jan 06, 2022መጽሐፈ ቄሌሜንጦስ የ81 መጽሐፍ ቅዱስ አካል ነው። ግን መጽሐፉ የሥርዓት ክፍል ስለሆነ ከ73ቱ ጋር ተካቶ ለገበያ አይውልም Note:- 81 መጽሐፍ ቅዱስ ብለን የምንገዛው 81 ሳይሆን 73 (15ቱ ብሉይ እንደ ሰባት ተቆጥሮ ) ነው። የቀሩት 8ቶቹ መጽሐፍ ቅዱስ ክፍል-2 ተብሎ በብቻው ይሸጣል።
Jan 06, 2022አትድከም ወንድሜ 66 ውስጥ አታገኘውም
Jan 06, 2022✥ ከልጅ ልጅህ ተወልጄ አድንኃለሁ ✥ ጥያቄ፡- ይህ ኃይለ ቃል የሚገኘው በየትኛው መጽሓፍ ነው? መልስ፤- በመጽሓፍ ቅዱስ ውስጥ እንዲህ የሚል ኃይለ ቃል የለም እናንተ ኦርቶዶክሳውያን ግን ይህንን ኃይለ ቃል ከራሳችሁ አመጭታችሁ ትናገራላችሁ የሚሉ አሉ፡፡ - እንደምናውቀው እኛ እጅ ላይ ያለው መጽሓፍ ቅዱስ 81(ሰማንያ አሓዱ) ብንለውም 8ቱን የሓዲስ ኪዳን የሥርዓት መጽሓፍን ግን አላካተተም ምክንያቱም እነዚህ ይዘታቸው ትልቅ በመሆኑ ነው፡፡ አንዱ የሥርዓት መጽሓፍ እንኳን ከያዝነው መጽሓፍ ቅዱስ ይበልጣል ስለዚህ በአንድነት መጠረዙ ስለማይመች ለብቻቸው ተደርገዋል ነገር ግን ቁጥራቸው ከ81 መጽሓፍት ነው፡፡ 8ቱ የሓዲስ ኪዳን የሥርዓት መጽሓፍ የምንላቸውም 1. ትዕዛዘ ሲኖዶስ 2. ግጽው ሲኖዶስ 3. አብጥሊስ ሲኖዶስ 4. ሥርዓተ ጽዮን ሲኖዶስ 5. መጽሓፈ ኪዳን ቀዳማዊ 6. መጽሓፈ ኪዳን ካልዕ 7. መጽሓፈ ዲድስቅልያ 8. መጽሓፈ ቀሌምንጦስ ናቸው፡፡ - በዚህ መሠረት ከልጅ ልጅህ ተወልጄ አድንሃለሁ የሚለው ኃይለ ቃል ቊጥሩ ከሰማንያ አሓዱ( ከ81 ከመጽሓፍ ቅዱስ ) ከሆነው እና የሥርዓት መጽሓፍ ብለን ከጠቀስናቸው ስምንት መጽሓፍት ውስጥ አንዱ በሆነው በመጽሐፈ ቀሌምንጦስ 2፥23 ላይ ይገኛል፡፡ ቀሌምንጦስ የቅዱስ ጴጥሮስ ደቀመዝሙር የነበረ እና ከቅዱስ ጴጥሮስም በኋላ በሮም ሀገር ላይ ሊቀጳጳስ ሆኖ የመራ አባት ነው፡፡ የዚህ መጽሓፍ ጸሓፊ ርሱ በመሆኑ በስሙ መጽሓፈ ቀሌምንጦስ ይባላል፡፡ - ከልጅ ልጅህ ተወልጄ አድንሃለሁ የሚለው ኃይለ ቃል ቃል በቃል በዚህ መጽሓፍ ላይ ነው ያለው ብንልም ጌታችን ግን ከአዳም የልጅ ልጅ መወለዱን የሚገልጥ እኛ እጅ ውስጥ ካለ መጽሓፍ ቅዱስ ወይም 66ቱን መጽሓፍት ከሚቀበሉ ሰዎች ከያዙት መጽሓፍ ቅዱስ ውስጥ ተገልጦ እናገኘዋለን፡፡ ለምሳሌ በማቴዎስ ወንጌል በምዕራፍ አንድ ላይ የጌታችንን የዘር ሓረግ ሲገልጥልን ‹‹የዳዊት ልጅ የአብርሃም ልጅ የኢየሱስ ክርስቶስ የትውልድ መጽሓፍ ›› ካለ በኋላ ‹‹አብርሃም ይስሓቅን ወለደ፤ ይስሓቅም ያዕቆብን ወለደ……..›› ይለናል ይህ የሚያሳየን ቅዱስ ቀሌምንጦስ ‹‹ከልጅ ልጅህ ተወልጄ አድንሃለሁ›› በማለት በመጠቅለል (ጠቅልሎ) የነገረንን ወንጌላዊው ማቴዎስ ደግሞ አብራርቶ ዘርዝሮ እንደጻፈልን ነው፡፡ ይልቁን ይህ ወንጌላዊ በዚሁ ምዕራፍ ላይ የጌታችን የዘር ሐረግ ዘርዝሮ ሲያበቃ የጌታችንን ልደት ሲገልጥልን ‹‹… የጌታችን የኢየሱስ ክርስቶስም ልደት እንዲህ ነበር ……›› (ማቴ1፤18) ማለቱ የጌታችን ልደት እንደ ውኃ ፈሳሽ እንደ እንግዳ ደራሽ የሆነ ሳይሆን ከላይ እንደገለጥኩላችሁ አብርሃም ይስሓቅን ወልዶት፤ ይስሓቅም ያዕቆብን ወልዶት…. በዚህ የመዋለድ ሂደት ከአዳም የልጅ ልጅ ከሆነች ከድንግል ማርያም መወለዱን ሲገልጥል ነው፡፡ ይህንንም ሃሳብ ቅዱስ ጳውሎስም ‹‹ዘመኑ በተፈጸመ ጊዜ እግዚአብሔር አንድ ልጁን ላከ ከሴትም ተወለደ›› (ገላ.4፡4) በማለት ያስረዳናል ይኸውም ለአዳም ከልጅ ልጅ ተወልጄ አድሃለሁ ያለው የተስፋ ቃል ዘመኑ (5500) በተፈጸመ (ዘመኑ በደረሰ ) ጊዜ ሴት ከተባለች የአዳምም የልጅ ልጁ ከሆነች ከድንግል ማርያም ተወለደ ሲለን ነው፡፡ - ይህ የቅዱስ ጳውልስ ትምህርት መሰረቱን የምናገኘው ወደ ኦሪት ስንመለስ ነው አባታችን አዳም በድሎ ንስሓ ቢገባ ፋጣሪም ‹‹የሴቲቱ ዘር ራስ ራስህን ይቀጠቅጥሃል አንተም ሰኮና ሰኮናው ትነድፈዋለህ ›› ( ዘፍ.3፤11 ) የሚል ቃለ ተስፋ ሰጥቶት ነበር የዚህ ኃይለ ቃል ምሥጢራዊ ትርጉሙ የሴቲቱ ዘር የተባለው ከላይ እንደገለጥነው እንበለዘር ( ወንድ አጋዥ ሳያስፈልጋት ) ከድንግሊቱ የተወለደውን መድኅን ክርስቶስን የሚያመለክት ሲሆን ‹‹የሴቲቱ ዘር ራስ ራስህን ይቀጠቅጥሃል ›› ማለቱም ጌታችን ከድንግሊቱ ሰው ሆኖ ተወልዶ በፈጸመው የአድኅኖት ሥራ ከዲያቢሎስ አገዛዝ ነፃ እንዳደረገን የሚያስረዳ ነው፡፡ በመቀጠልም ‹‹ አንተም ሰኮና ሰኮናውን ትነድፈዋለህ ›› ማለቱ ዲያቢሎስ በአይሁዳውያን ላይ አድሮ ጌታችንን በመዋዕለ ሥጋዌው ይቃወመው እንደነበር ያስረዳናል፡፡ ስለዚህ ‹‹የሴቲቱ ዘር ራስ ራስህን ይቀጠቅጥሃል አንተም ሰኮና ሰኮናው ትነድፈዋለህ ›› የሚለውም የተፈጸመው የአዳም የልጅ ልጅ ከሆነች ከድንግል ተወልዶ መሆኑን የሚያስረዳ ነው እንግዲህ ‹‹ከልጅ ልጅህ ተወልጄ አድንሃለሁ ›› የሚለው ኃይለ ቃል ቅዱስ ቀሌምንጦስ ብቻ ሳይሆን መንፈስ ቅዱስ እየመራቸው ሌሎችም ጸሓፍያን በመጽሓፍ ቅዱስ ውስጥ በጎላ በተረዳ ነገር እንደገለጡልን በሚገባ ልንረዳው ያስፈልጋል፡፡ ✍️ አምኃ ሥላሴ / መኩሪያ ተሰፋዬ https://t.me/betgubae (የቴሌግራም ቻናል
Jan 07, 2022መጽሐፍ ቅዱስ ላይ መጽሐፈ ኩፋሌ
Jan 06, 2022Eko botaw mnuga new emilew?
Jan 06, 2022እናንተ የዳዊትንም መዝሙር እንደ ልብወለድ እያነበባችሁ ስለምታልፉ ምን ተብሎ ይነገራችሁ?
Jan 07, 2022ከኦሪት ዘ ፍጥረት እስከ ራየ ዮሀንስ እየሱስ እኔ አምላክ ነኝ ብሎ የተናገረበትን ከልጅ ልጅህ ተወልጀ አድናሀለሁ የሚለውን ማንም ማምጣትም ሆነ መናገር አይችልም ለምን ቢባል የለም ከየት ይመጣል
Jan 06, 2022