በመጀመሪያ ደረጃ ይህ የጠቀስከው ክፍል ክርስትና ከመጀመሩ (ክርስቶስ ወደምድር ከመምጣቱ) በፊት የነበረን የአይሁድን እምነት የሚመለከት እንጂ ከክርስትና ጋር በቀጥታ የሚገናኝ አይደለም። ሲቀጥል ደግሞ የክፍሉን አውድ ከተረዳኸው እያወራ ያለው ስለሌላ ህዝብ ሳይሆን እዛው ከእስራኤላውያን መካከል ሌላ አምላክ እናምልክ ስለሚሉ እስራኤላውያን ነው። ስለ እስራኤል ህዝብ ደግሞ ከዘፀዓት መጽሐፍ (ወይም ደግሞ ከዘፍጥረት 12 ከአብርሀም ጥሪ) ጀምሮ ስናይ እግዚአብሔር ለዚህ ህዝብ ምን ያህል እንደጠበቃቸውና እንደሚጠነቀቅላቸው እናያለን። በብቸኛነት ህዝቤ ብሎ ይጠራቸዋል (ዘፀ 3:7) እናም ከግብጽ ባርነት ባወጣቸው ጊዜ ወደ ተስፋይቱ ምድር (የጠቀስከው ክፍል ላይ 'እግዚአብሔር ልትኖርባት የሚሰጥህ ከተማ' የተባለችው) ሲገቡ እንዴት መኖር እንዳለባቸው የሚመሩበት ህግን ሰጣቸው #አስርቱ_ትዕዛዛት (ዘፀ. 20) ከነሱም ውስጥ አንዱ "ከግብፅ ምድር ከባርነት ቤት ያወጣሁህ እግዚአብሔር አምላክህ እኔ ነኝ። ከእኔ በቀር ሌሎች አማልክት አይሁኑልህ።" የሚል ነው። ስለዚህ ይህ ህዝብ ከሚመራበት ከዚህ ህግ ውጪ ከተገኘ በህዝቡና በህጉ ባለቤት (እግዚአብሔር) ይጠየቃል፣ ይቀጣልም። ሌሎች ህዝቦች ግን እስራኤላውያንን እስካልነኩ ድረስ ከዚህኛው አይነት ህግ ውጪ ናቸው (ያሻቸውን ማምለክ ይችሉ ነበር)