ሐምሌ 14፣ 2012 በቅርብ ጊዜ ፓስፖርታችሁን ለማሳደስ ወደ ኢምግሬሽን፣ ዜግነትና ወሳኝ ኩነት ኤጀንሲ በአካል መሄድ አይጠበቅባችሁም ተብላችኋል፡፡ በአንድ ወር ግፋ ቢል በሁለት ወር ውስጥ የፓስፖርት እድሳት አገልግሎትን በኢንተርኔት አማካይነት መስጠት እንደሚጀምር የኢሚግሬሽን፣ ዜግነትና ወሳኝ ኩነት ኤጀንሲ ለሸገር ተናግሯል፡፡ ፓስፖርታቸውን ማሳደስ የሚፈልጉ በኢንተርኔት ቅፅ ይሞላሉ፣ በባንክ ክፍያ ይፈፅማሉ ከዚያም የታደሰ ፓስፖርታቸውን በአቅራቢያቸው ከሚገኝ የኤጀንሲው ቅርንጫፍ መውሰድ ይችላሉ ሲሉ የኤጀንሲው ዋና ዳይሬክተር አቶ ሙጂብ ጀማል ለሸገር ነግረዋል፡፡ 👇👇👇👇👇 በተመሳሳይ አዲስ ፓስፖርት ማውጣት የሚፈልጉም በኢንተርኔት ለዚሁ ዓላማ የተጋጀውን የኤጀንሲውን ቅፅ ሞልተው በቀጠሯቸው ቀን እንዲስተናገዱ ይደረጋል ሲሉ ተናግረዋል፡፡ የኢሚግሬሽን፣ ዜግነትና ወሳኝ ኩነት ኤጀንሲ በኮሮና ቫይረስ ሳቢያ የፓስፖርት እድሳትም ሆነ አዲስ የመስጠት አገልግሎት በሙሉ አቅሙ እያከናወነ እንዳልሆነ ይታወቃል፡፡ አገልግሎቱን በሙሉ አቅም ለመስጠት የኢንተርኔት መላ አንደኛው አማራጭ ተደርጎ መወሰዱን አቶ ሙጂብ ነግረውናል፡፡ (ንጋቱ ሙሉ) #Ethiopia #ShegerWerewoch #ፓስፖርት