እግዚአብሄር የሰውን ልጅ እኩል በሆነ መንገድ ነው የሚያየው ብላችሁ ታስባላችሁ? እግዚአብሄር እኩል የሰው ልጅን ሁሉ ይወዳል? ኦሪት ዘሌዋውያን ላይ እግዚአብሄር የሰው ልጅን ሁሉ በእኩል መንገድ ያያል ከሚለው የክርስትና አስተምህሮ ጋር የሚጣረስ ነገር ስላነበብኩ ነው ይሄን የምጠይቃችሁ፡፡እንዲህ ይላል:- ዘሌዋውያን 21፡17-24 "ለአሮን እንዲህ ብለህ ንገረው። ከዘርህ በትውልዳቸው ነውር ያለበት ሰው ሁሉ የአምላኩን እንጀራ ያቀርብ ዘንድ አይቅረብ። ዕውር ፥ ወይም አንካሳ ፥ ወይም አፍንጫ ደፍጣጣ ፥ ወይም ትርፍ አካል ያለው ፥ ወይም እግረ ሰባራ ፥ ወይም እጀ ሰባራ ፥ ወይም ጎባጣ ፥ ወይም ድንክ ፥ ወይም ዓይነ መጭማጫ ፥ ወይም እከካም ፥ ወይም ቋቍቻም ፥ ወይም ጃንደረባ ፥ ነውረኛ ሁሉ አይቅረብ። ከካህኑ ከአሮን ዘር ነውር ያለበት ሰው የእግዚአብሔርን የእሳት ቍርባን ያቀርብ ዘንድ አይቅረብ ፤ ነውረኛ ነው ፤ የአምላኩን እንጀራ ያቀርብ ዘንድ አይቅረብ።"